މިއަދު ބޭއްވި ހިތަދޫ އުތުރު ދާއިރާގެ ބައި- އިލެކްޝަންސް 62 ވޯޓުގެ ތަފާތަކުން ކާމިޔާބުކުރީ އިދިކޮޅު އެމްޑީޕީގެ މެމްބަރު އަބްދު ﷲ ސާދިގު (ސޯބެ) އެވެ.
އިންތިހާބުން ނުކުތް ނަތީޖާއާއި ގުޅިގެން ފަލާހް އެކްސްގައި ކުރެއްވި ޕޯސްޓެއްގައި ވިދާޅުވީ މިއަދު ބޭއްވި އިންތިހާބުގައި ހިތަދޫން އިން ލަދުވެތިގޮތަކަށް ސޯބެ ބަލިކޮށްފައިވާކަމަށެވެ. އަދި މުޅި އެމްޑީޕީއެކުގައި އައްޑޫ ސިޓީއަށް އެރުމުންވެސް ސޯބެ ބަލިވީކަމަށް ފަލާހް ވިދާޅުވިއެވެ.
ފަލާހް ވިދާޅުވީ މިއަދުގެ ނަތީޖާއިން އެމްޑީޕީ ފެއިލްވެފައިވާކަމަށް އައްޑޫ ރައްޔިތުން ބުނާކަމަށެވެ. އަދި އެމްޑީޕީގެ ލީޑާޝިޕް އަދި ރައީސް ޔާމީން އައްޑޫ ސިޓީއަށް ނާރަން އެ ސިޓިގެ ރައްޔިތުން ބުނާކަމަށްވެސް ފަލާހް ވިދާޅުވިއެވެ.
އައްޑޫ ސިޓީގައި ރައީސް މުއިއްޒުގެ މަގްބޫލުކަން ބޮޑޫވެފައިވާކަމަށާއި 2028 ގައި އައްޑޫ ސިޓީ ވާނީ ޕީއެންސީގެ ކިއްލާއަކަށްކަމަށްވެސް ފަލާހް ވިދާޅުވިއެވެ.
" މިއަދު ބޭއްވުނު އިންތިޚާބުގައި ބެހެއްޓި 7 ވޯޓް ފޮށީގެ ތެރެއިން 4 ވޯޓް ފޮށިން ޕީއެންސީގެ ކެންޑިޑޭޓް ބޮޑުތަނުން ކުރި ހޯދުމަކީ އައްޑޫގެ ރައްޔިތުންގެ މެދުގައި ޕީއެންސީގެ މަގުބޫލުކަން އޮތް މިންވަރު ހާމަވާކަމެއް. ރައީސް މުޢިއްޒު އަށް އޮތް އިތުބާރާއި ލޯބި ހާމަވާ ކަމެއް. 2028 ގައި އައްޑޫ ވެގެންދާނީ ޕީއެންސީގެ ކިއްލާއަކަށް،" ފަލާހް ވިދާޅުވިއެވެ.
