މެންޗެސްޓަރ ޔުނައިޓެޑުން ދެހާސް ތިންވަނަ އަހަރު ރިއާލް މެޑްރިޑަށް ބަދަލުވެ، ޒިދާންއާއި އެކު ކުޅުނު ބެކަމްވަނީ ދުނިޔޭގެ އެންމެ މޮޅެތި ކުޅުންތެރިންނާއި އެކު އެކި ކްލަބުތަކުގައި ކުޅެފައެވެ. އެހެންނަމަވެސް އެ ހުރިހާ ކުޅުންތެރިންގެ ތެރެއިންވެސް އެންމެ މޮޅު ކުޅުންތެރިޔައަކީ، ޒައިނުއްދީން ޒިދާން ކަމަށް ބެކަމް ބުންޏެވެ.
ބެކަމްއާއި ޒިދާން ރިއާލް މެޑްރިޑްގައި
ބެކަމްއާއި އެކު ކުޅުނު ފާހަގަކޮށްލެވޭ ކުޅުންތެރިންނަށް ބަލާއިރު ހުސްއެކަނި ރިއާލް މެޑްރިޑްގައިވެސް ތިބީ ދުނިޔޭގެ އެންމެ މަތީ ފެންވަރުގެ ކުޅުންތެރިންނެވެ. އޭނގެ ތެރޭގައި ބްރެޒިލްގެ ރޮނާލްޑޯ، ރޮބާޓޯ ކާލޮސް، އަދި ޕޯޗުގަލްގެ ލުއިސް ފީގޯގެ އިތުރުން ސްޕެއިންގެ ރައުލް ގޮންޒާލެޒް ހިމެނެއެވެ. މީގެ އިތުރުން ޔުނައިޓެޑްގައި ބެކަމްއާޢި އެކު ކުޅުނު ގިގްސް، ސްކޯލްސް އަދި ފަހުން ޕީއެސްޖީގައި ކުޑަ ދުވަސްކޮޅަކު ޒްލަޓާން އިބްރޮހަމަވިޗްއާއި އެކުވެސް ބެކަމް ކުޅުނެވެ.
އުމުރުން މިހާރު ސާޅީސް ފަސް އަހަރުގެ ބެކަމް ކުޅުން ހުއްޓާލުމަށް ފަހު، މިހާރު އުޅެނީ އެމެރިކާ ލީގުގެ ކުލަބެއް ގަނެގެންނެވެ. އެމެރިކާ ލީގުގައި ވާދަކުރާ އިންޓަރމިއާމީއަކީ ބެކަމްގެ ޓީމެކެވެ.
