ސަރުކާރު ހިއްސާވާ ކުންފުނިތަކުން މުވައްޒަފުންގެ އަދަދު 33 ޕަސެންޓަށް މަދުކުރަން ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ވަނީ ކުންފުނިތަކަށް އަންގާފައެވެ.
ޕީސީބީގެ އެންގުން އެޓޭޗްކޮށް އެމްޕީއެލުން އެކުންފުނިން މުވައްޒަފުންނަށް ފޮނުވި އިންޓާނަލް މެމޯއެއްގައި ބުނީ ކުންފުނިން ހިންގުން ހަރުދަނާކުރުމަށް ޕީސީބީން އަންގާފަޢިވާ އެންގުމާއި އެއްގޮތަށް ފިޔަވަޅުތައް އެޅުމަށް ނިންމާފައިވާކަމަށެވެ. އެގޮތުން މިހާރުން މިހާރަށް އަޅަންޖެހޭ ފިޔަވަޅުތައް އަޅަމުން އަންނަކަމަށެވެ. އެގޮތުން މުވައްފުން މަދުކުރަން ނިންމިކަން ވަނީ އަންގާފަ އެވެ.
ހަރަދު ކުޑަކުރުމަށް މުވައްޒަފުން މަދުކުރި ނަމަވެސް ކުންފުނީގެ ވަޒީފާގައި ތިބި ހާއްސަ އެހީއަށް ބޭނުންވާ މުވައްޒަފުން އެ ނިންމުމުން އިސްތިސްނާވާނެކަމަށްވެސް އެމްޕީއެލުން މުވައްޒުންނަށް ފޮނުވި އިންޓާނަލް މެމޯގައި ވެއެވެ.
