މި ސަރުކާރުގެ ބޯހިޔާވަހިކަމުގެ ސްކީމް 'ބޯހިޔާވަހިކަން އެންމެނަށް'ގެ ދަށުން ގޯއްޗާއި ފްލެޓަށް ހުށަހަޅަން ދިން ވަގުތު މިރޭވެ 12 ޖަހާއިރު ހަމަވާނެއެވެ. އެހެންނަމަވެސް ސުންގަޑި ހަމަވާން ގާތްވެފައި ވަނިކޮށް ޕޯޓަލް ޑައުންވެ ހިދުމަތް މެދުކެނޑުނެވެ.
ހައުސިން މިނިސްޓްރީން ބުނީ ބޯހިޔާވަހިކަން އެންމެންނަށް" ސިޔާސަތުގެ ދަށުން ގްރޭޓަރ މާލެ ސަރަޙައްދުން ގޯއްޗާއި ފްލެޓަށް އެދި އެޕްލިކޭޝަން ހުށަހެޅުމަށް ގާއިމްކޮށްފައިވާ "ބޯހިޔާވަހިކަން" ޕޯޓަލްއަށް ދިމާވި ޓެކްނިކަލް މައްސަލަ މިހާރު ހައްލުކުރެވިފައިވާކަމަށެވެ.
އަދި މި މައްސަލައާއި ގުޅިގެން މި ސްކީމްތަކަށް އެޕްލިކޭޝަން ހުށަހެޅުމުގެ ވަގުތު މިރޭ ދަންވަރު 2:00 އަށް އިތުރުކުރެވިފައިވާ ކަމަށް ހައުސިން މިނިސްޓްރީން ބުނެއެވެ.
