އެ ކުންފުނިން މުވައްޒަފުންނަށް ފޮނުވި މެމޯއެއްގައި ބުނީ ކުންފުނީގެ އޮނިގަނޑު ބަދަލުކުރުމުގެ މަސައްކަތް ކުރަމުން އަންނަކަމަށެވެ. އެގޮތުން އާ އޮނިގަނޑަށް ބަދަލުވާއިރު، އަމިއްލައަށް އެދިގެން ވަޒީފާއިން ވަކިވާން ބޭނުންވާ މުވައްޒަފުންނަށް ދެ ގޮތަކަށް ފުރުސަތު ލިބޭނެ ކަމަށް އެ މެމޯގައިވެއެވެ.
އެޗްޑީސީން އަމިއްލައަށް އެދިގެން ވަޒީފާއިން ވަކިވެވޭގޮތް
މުވައްޒަފުންނަށް ފޮނުވި މެމޯގައި އެޗްޑީސީން ބުނީ ވަޒީފާއިން ވަކިވުމުގައި އަމަލުކުރަން ޖެހޭނެ ގޮތުގެ އިތުރު ތަފްސީލުތަކާއި، ޝަރުތުތަކުގެ އިތުރުން އެކަމަށް އެދި ހުށައަޅަންޖެހޭ ސުންގަޑިތައް ކުންފުނީގެ ޑިޕާޓްމަންޓްތަކުގެ އިސްވެރިންނާއި ހިއުމަން ރިސޯސް ޑިޕާޓްމަންޓް މެދުވެރިކޮށް މުވައްޒަފުންނަށް ލިބޭނެ އިންތިޒާމު ހަމަޖައްސާފައިވާ ކަމަށެވެ.
