ފްރެންޗްބީ އަކީ 2016 ގައި އުދުހެން ފެށި އެއާލައިނެކެވެ.
އެއާލައިންގެ ދަތުރުތަޢް މުޅިން އަލަށް ރާއްޖެއަށް ފަށަން ނިންމާފައިވަނީ މިއަހަރުގެ ޑީސެމްބަރުމަހުގެ 19 ވަނަ ދުވަހުއެވެ. އަދި އަންނަ އަހަރުގެ މޭގެ ނިޔަލަށް ދަތުރުތައް ބާއްވާނެކަމަށް އެއާލައިނުން ވަނީ ބުނެފައެވެ.
ފްރާންސްގެ ބަޖެޓް އެއާލައިން ރާއްޖެއަށް ފެށުމުން އެގައުމަށް ސީދާ ދަތުރުކުރާ ފަރާތްތަކަށް ފަސޭހަތަކެއް ލބިގެންދާނެކަމަށް އެއާލައިނުން ބުނެއެވެ. އަދި ރާއްޖެއަށް ފްރެންޗްބީގެ ދަތުރުތައް ފަށާއިރު ރާއްޖެއަށް އެންމެ ގިނަ ފަތުރުވެރިން އަންނަ 10 ގައުމުގެ ލިސްޓުގެ ހަތްވަނާގައި އޮތީ ފްރާންސްއެވެ. ޓްއަރިޒަމް މިނިސްޓްރީގެ ހިސާބުތައް ދައްކާގޮތުން މި އަހަރުގެ މިހާތަނަށް ފްރާންސުން ރާއްޖެ އަށް 29،000 އަށް ވުރެ ގިނަ ފަތުރުވެރިންވަނީ ޒިޔާރަތްކޮށްފައެވެ.
