ޓެކްސް ކޮމިޝަނަރުގެ މަގާމު ހުސްވީ އެ މަގާމު ފުރުއްވަމުން ގެންދެވި ހަސަން ޒަރީރު މި ސަރުކާރުގެ ފިނޭންސް މިނިސްޓަރު ކަމަށް އައްޔަންކުރުމާ ގުޅިގެންނެވެ.
ޓެކްސް ކޮމިޝަނަރުގެ މަގާމަށް އައްޔަންކުރަން މަޖިލިހަށް މުހައްމަދު ހަލީމް އަބްދުﷲ ގެ އިތުރުން ޑެޕިއުޓީ ޓެކްސް ކޮމިޝަނަރުގެ މަގާމުގައި މިވަގުތު ހުންނެވި ފާތިމަތު އަމީޒާގެ ނަންވެސް ރައިސް މުއިއްޒު ވަނީ މަޖިލިހަށް ފޮނުއްވާފައެވެ. ދެ ބޭފުޅުންގެ ނަން ދިރާސާކުރުމަށްޓަކައި މަޖިލީހުގެ ރިޔާސަތުން ވަނީ ރައްޔިތުންގެ މަޖިލީހުގެ އިގުތިސާދީ ކޮމިޓީއަށް ފޮނުވާފައެވެ.
ޑެޕިއުޓީ ޓެކްސް ކޮމިޝަނަރު ފާތިމަތު އަމީޒާ
ހަލީމަކީ މާމިގިލީ ދާއިރާގެ މެމްބަރު އަދި ޖުމްހޫރީ ޕާޓީގެ ލީޑަރު ޤާސިމް އިބްރާހީމްގެ ވިލާ އެއާ ކުންފުނީގެ ހެޑް އޮފް ފައިނޭންސެވެ. އޭނާ ވަނީ މާލީ ދާއިރާއަށް 17 އަހަރަށްވުރެ ގިނަ ދުވަހު ހިދުމަތްކުރައްވާފައެވެ.
އަމީޒާ ޑެޕިއުޓީ ޓެކްސް ކޮމިޝަނަރުގެ މަގާމަށް އައްޔަންކުރީ ނޮވެންބަރު 2024ގައެވެ. 2010 ވަނަ އަހަރު އުފެއްދި މީރާ އުފެދުނީއްސުރެ އެ އިދާރާގައި މަސައްކަތްކުރައްވަމުން ގެންދަވާ އަމީޒާ ވަނީ އެސިސްޓަންޓް ޓެކްސް ކޮމިޝަނަރުގެ މަގާމުވެސް ފުރުއްވައިފައެވެ.
