ފުލުހުން ބުނީ، މަރަދޫ މެޖިސްޓްރޭޓް ކޯޓުން ވަނީ މިއަދުން ފެށިގެން 90 ދުވަހަށް، އެ ރަށު ބޯޅަދަނޑުގެ ބަންދުކުރަން އަމުރުކޮށްފައި ކަމަށެވެ. އަދި މިއީ މަސްތުވާތަކެއްޗާ ބެހޭ ގާނޫނުގެ ދަށުން މަސްތުވާތަކެތި ބޭނުންކުރުމުގެ ހިދުމަތްދޭ ތަނެއް ބަންދުކުރުމަށް މަރަދޫ މެޖިސްޓްރޭޓް ކޯޓުން ނެރުނު ފުރަތަމަ އަމުރުކަމަށް ފުލުހުން ބުނެއެވެ.
މީގެ ކުރިން އައްޑޫގެ ހިތަދޫ މެޖިސްޓްރޭޓް ކޯޓުން ވެސް ދެ ގެއެއް ބަންދުކުރުމަށް އަމުރުކޮށްފައިވެއެވެ. އަދި ފުވައްމުލަކުގެ 'ޑުރަގު ކެފޭއެއް' ވެސް ބަންދުކުރަން ފުވައްމުލަކުގެ މެޖިސްޓްރޭޓް ކޯޓުން ވެސް މީގެ ކުރިން އަމުރުކޮށްފައިވެއެވެ.
