ޒުވާނުންނަށް ކުދި އަދި މެދު ފަންތީގެ ވިޔަފާރިތައް ފެށުމަށާއި، އައު އީޖާދީ ހިޔާލުތައް ދެމެހެއްޓެނިވި ވިޔަފާރިތަކަކަށް ބަދަލުކުރުމަށް މަގުފަހިކޮށްދިނުމުގެ ގޮތުން "ޔޫތު އެންޓާ ޕްރަނާޝިޕް ފައިނޭންސިން" ފެސިލިޓީ އިފްތިތާހުކޮށްފިއެވެ.
Advertisement
ބޭންކް އޮފް މޯލްޑިވްސް (ބީއެމްއެލް) އާއި އެސްއެމްއީ ޑިޖިޓަލް ގުޅިގެން ކުރިއަށްގެންދާ މި މަޝްރޫއަކީ ޖުމްލަ 1 ބިލިއަން ރުފިޔާގެ ބޮޑު ފައިނޭންސިން ސްކީމެކެވެ.
މިއަދު ފެށި "ޔޫތު އެންޓްރަޕްރަނާސް އެކްސްޕޯ" ގައި މި ފައިނޭންސިން ފެސިލިޓީ އިފްތިތާހުކޮށްދެއްވީ ރައީސް ޑރ. މުހައްމަދު މުއިއްޒުއެވެ.
ޔޫތު އެންޓަޕްރަނާޝިޕް ފައިނޭންސިން" މުހިއްމު މައުލޫމާތުތައް
- ރަހުނު: އެއްވެސް ރަހުނެއް ނުވަތަ އިކުއިޓީއެއް ބޭނުމެއް ނުވާނެ
- އަދަދު: ޝަރުތު ހަމަވާ ފަރާތްތަކަށް 150،000 ރުފިޔާއާ ހަމައަށް ފައިސާ ލިބޭނެ
- ޕްރޮފިޓް ރޭޓް: އަހަރަކު 7 އިންސައްތައިގެ ރޭޓެއްގައި
- މުއްދަތު: ލޯނު އަނބުރާ ދެއްކުމަށް 5 އަހަރުގެ މުއްދަތެއް ލިބޭ، 6 މަސްދުވަހުގެ ގްރޭސް ޕީރިއަޑެއް ލިބޭ
- އަވަސް މިން: ލޯނަށް އެދޭތާ 24 ގަޑިއިރު ތެރޭގައި ގޮތެއް ނިންމައި ފައިސާ ދޫކުރާނެ
ފެސިލިޓީގެ ދަށުން އުމުރުން 18 އަހަރާއި 30 އަހަރާ ދެމެދުގެ ޒުވާނުންނަށް، އެއްވެސް ރަހުނެއް ނުވަތަ އިކުއިޓީއަކާ ނުލާ 150،000 ރުފިޔާއާ ހަމައަށް ފައިނޭންސިންގ ލިބޭނެއެވެ.
