ކުޑޫ ހުށަހެޅުއްވި މައްސަލައިގައި ކުޑަކުދިންގެ ޖިނާއީ އަދުލުގެ ގާނޫނަކީ ކުޑަކުދިން ކުރާ ކުށްތަކަށް ޖަވާބުދާރީކުރުވުމުގައި އެ ކުދިންގެ މަސްލަހަތު ހިމާޔަތްކޮށް، އިސްލާހުކުރުމަށް ބާރުއަޅާ ޒަމާނީ ގާނޫނެއް ނަމަވެސް، މި ގާނޫނު ތަންފީޒުކުރުމުގައި ބައެއް ކަންކަން ގާނޫނުގައިވާ ގޮތަށް ފުރިހަމައަށް ކުރިއަށް ނުދާކަން ވަނީ ފާހަގަކުރައްވާފަ އެވެ. އެގޮތުން ފާހަގަކުރެއްވި ބައެއް ކަންކަމަކީ:
މި ފަހަކަށް އައިސް މުޖުތަމައު ތެރޭގައި ހިނގާ މާރާމާރީއާއި ހަމަނުޖެހުންތަކުގައި ގިނައިން ޒުވާނުންނާއި ކުޑަކުދިން ބައިވެރިވާކަން ފާހަގަކުރެވެއެވެ. އެގޮތުން ރޭ ވެސް ހުޅުމާލެ ފޭސް ދޭއްގެ ހިޔާ ޕާކު ސަރަހައްދުގައި ހިންގި މާރާމާރީއަކާ ގުޅިގެން 16 އަހަރުގެ ދިވެހި ފިރިހެން ކުއްޖަކު ފުލުހުންގެ ބެލުމުގެ ދަށަށް ވަނީ ގެންގޮސްފަ އެވެ.
މީގެ އިތުރުން، މި މަހުގެ 15 ވަނަ ދުވަހު ހއ. ހޯރަފުށީގައި ހުންނަ ކުޑަކުދިންގެ ވަގުތީ ރެޒިޑެންޝަލް ޓްރީޓްމަންޓް ސެންޓަރުގައި އުޅޭ ތިން ކުއްޖަކު ވެސް މާރާމާރީ ހިންގި މައްސަލައެއް ވެސް ފެންމަތިވި އެވެ.
މިއީ ކަންބޮޑުވުން ބޮޑު މައްސަލައަކަށް ވާއިރު، ފުލުހުން ބުނީ މިފަދަ ކަންކަން ވަރަށް ގާތުން ބަލައި، މާރާމާރީތައް މަދުކުރުމަށްޓަކައި އެކި ފެންވަރުގައި މަސައްކަތްތައް ކުރަމުންދާ ކަމަށެވެ.
ކުޑަކުދިންގެ އަދުލުގެ ނިޒާމުގެ ބެލެނިވެރި އިދާރާއަކީ ހޯމް މިނިސްޓްރީ އެވެ. ނަމަވެސް، އޭ ގާނޫނު ތަންފީޒުކުރުމުގައި ބޮޑު ދައުރެއް ހެލްތު މިނިސްޓްރީން އަދާކުރެ އެވެ.
