މީޑިއާތަކަށް ފޮނުއްވި މެސެޖެއްގައި މިނިސްޓަރު ޝަހީމް ވިދާޅުވީ ހުޅުމާލޭގައި މިވަގުތު ހަދަމުން އަންނަ މިސްްކިތްތައް ނިންމުމަށް މަސައްކަތް ކުރަމުން އަންނަކަަމަށެވެ. އެގޮތުން މިނިސްޓްރީ އާއި އަމިއްލަ ފަރާތްތަކުން ގުޅިގެން ހުޅުމާލެގައި ބިނާކުރަމުން އަންނަ ދާއިމީ މިސްކިތްތައް މިއަހަރު ނިމުމުގެ ކުރިން ހުޅުވުމަށް މަސައްކަތްކުރަމުން އަންކަމަމަށް މިނިސްޓަރު ޝަހީމް ވިދާޅުވިއެވެ.
ހުޅުމާލޭގައި ހަދަމުން އަންނަ މިސްކިތެއް
މިނިސްޓަރު ޝަހީމް ވިދާޅުވީ މަޝްރޫޢުތައް ނިންމުމަށް ރައީސް ޑރ މުހައްމަދު މުއިއްޒު ހާއްސަ ސަމާލުކަމެއް ދެއްވަމުން ގެންދަވާކަމަށެވެ. އެގޮތުން އިސްލާމީ ދާއިރާގެ މަޝްރޫއުތަކުގެ ތެރެއިން 16 މިސްކިތާއި، ޤުރްއާން މަރުކަޒުގެ ގޮފީގެ 2 މަޝްރޫއެއް އަންނަ ރޯދަމަހުގެ ކުރިން ނިމިގެންދާނެކަމަށް މިނިސްޓަރު ވިދާޅުވިއެވެ. އަދި އަންނަ އަހަރުގެ ފަހުކޮޅުގައި ވަޤުފު މަޝްރޫއުތަކުގެ ތެރެއިން ބައެއް މަޝްރޫއުތައް ނިމިގެންދާނެކަމަށްވެސް މިނިސްޓަރު ޝަހީމް ވިދާޅުވިއެވެ.
