މިފްކޯއިން އިން ބުނީ މަސްވެރިންނަށް މިއަދުން ފެށިގެން ކަނޑުއޮތްގިރިން އައިސް ލިބޭނެކަމަށެވެ. އަދި ކަނޑުއޮތްގިރިން އައިސް ލިބުމަކީ މާލެ ސަރަހައްދުގެ މަސްވެރިންނަށް ލިބިގެންދިޔަ ވަރަށް ބޮޑު ފަސޭހައެއްކަމަށް މިފްކޯއިން ބުނެއެވެ.
މިފްކޯއިން ބުނީ ކަނޑުއޮތްގިރީގައި ހުޅުވާފައިވަނީ 25 ޓަނުގެ މި އައިސް ޕްލާންޓެއްކަމަށެވެ. ކަނޑުއޮތްގިރިން އައިސް ވިއްކަމުން އަންނަނީ ކިލޯއެއް 0.75 ރުފިޔާއަށެވެ. އަދި ޓަނެއްގެ އައިސް ވިއްކަނީ 750 ރުފިޔާއަށެވެ.
މިފްކޯއިން ވަނީ މިމަހުގެ ތެރޭގައި ކަނޑުއޮތްގިރީގައި ހިކިމަސް ފެކްޓަރީއެއް ވެސް ހުޅުވާފައެވެ.
