ވެރިކަން ކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) އަށް ނައިބު ރައީސުން އިންތިހާބު ކުރުމަށް ސިއްރު ވޯޓުގެ ބަދަލުގައި އަތްމައްޗަށް ނަގައިގެން ފާޅުގައި ވޯޓްލާން ނިންމައިފިއެވެ.
Advertisement
އެނގިފައވާ ގޮތުން މިގޮތަށް ނިންމާފައިވަނީ ކޮންގްރެސްގެ އިންތިހާބުގެ ކަންކަން ބެލެހެއްޓުމަށް އެކުލަވާލި ކޮމިޓީންނެވެ. 6 މެންބަރުން ތިބޭ މި ކޮމެޓީއަށް އެ ހުށައެޅުން ހުށައެޅީ ޕީއެންސީގެ ސެކްރެޓަރީ ޖެނެރަލް މޫސާ ފަތުހީ އާދަމްކަންވެސް ވަނީ އެނގިފައެވެ.
ކޮމިޓީގެ މެމްބަރުން
- ފުވައްމުލަކު ދެކުނު ދާއިރާގެ މެމްބަރު އިބްރާހިމް ހުސެއިން
- ފިޝަރީޒް މިނިސްޓަރ އަހުމަދު ޝިޔާމް
- ބާރަށު ދާއިރާގެ މެމްބަރު އިބްރާހިމް ޝުޖާއު
- މޯލްޑިވްސް ގޭސްގެ މެނޭޖިން ޑިރެކްޓަރު އަބްދު ﷲ މުހައްމަދު
- ޕީއެންސީގެ ޕާލިމަންޓްރީ ގުރޫޕްގެ ލީޑަރު އިބްރާހިމް ފަލާހު
- ނިލަންދޫ ދާއިރާގެ މެމްބަރު މެމްބަރު ފާތިމަތު ސައުދާ
މި ނިންމުމާއި ޕާޓީގެ ބައެއް މެމްބަރުންގެ ހިތްހަމަ ނުޖެހުން އޮތްކަން ވަނީ އެނގިފަ އެވެ. ސަބަބަކީ ކޮމެޓީގައި ހިމެނޭ ޝުޖާއު އާއި ސައުދާވެސް ނައިބު ރައީސްގެ މަގާމަށް ވަދާކުރާތީ އެވެ.
