މަޖިލީހުން އެގޮތަށް ފާސްކުރީ ފެނަކައަށް މުވައްޒަފުން ނެގުމާއި ޕްރޮމޯޝަން ދިނުމާއި މުސާރަ އާއި އިނާޔަތާ ގުޅޭ ހާއްސަ އޮޑިޓް ބެލުމަށްފަހު މަޖިލީހުގެ މާލިއްޔަތު ކޮމެޓީން އެކުލަވާލި ރިޕޯޓް ފާސްކޮށްގެން ނެވެ.
ގިނަ ފިޔަވަޅުތަކެއް އެޅުމަށް ފެނަކައަށް އަންގައިފައިވާ އެ ރިޕޯޓް ފާސްކުރީ 56 މެމްބަރުންގެ ވޯޓާއި އެކުއެވެ.
އެ ރިޕޯޓްގައިވާގޮތުން ފެނަކަގެ އޮޕަރޭޝަންތައް ފުޅާވާ މިންވަރާއި ކުންފުނީގެ ވަޒީފާތަކުގައި ތިބި މުވައްޒަފުންނާ ހަވާލުކޮށްފައިވާ މަސައްކަތްތަކާއި ވޯކްލޯޑު ބެލުމަށް ފަހު ޖޮބް އެނަލިސިސް ހެދުމަށް ވަނީ އަންގައިފަ އެވެ.
އަދި އޭގެ ނަތީޖާއަށް ބަލާ ކުންފުނީގެ ވަޒީފާގައި ތިބެންޖެހޭ މުވައްޒަފުންގެ އަދަދު ކަނޑައެޅުމާއި ކުންފުންޏަށް އިތުރު މުވައްޒަފުން ބޭނުންވާކަން ކަށަވަރުކުރުމަށް ފަހު ނޫނީ ކުންފުންޏަށް އިތުރު މުވައްޒަފުން ނުނަގަން ވެސް ވަނީ އަންގާފައެވެ.
މީގެއިތުރުން ފެެނަކަ ރައިޓްސައިޒް ކުރުމަށް ކުރާ މަސައްކަތާ އެކު ކުންފުނީގެ ހަރަދުތަކަށް އައިސްފައިވާ ބަދަލުތައް އަދި އާމްދަނީއަށް އައިސްފައިވާ ކުރިއެރުމުގެ ރިޕޯޓު ފާސްކުރާތާ 6 މަސް ތެރޭ މަޖިލީހަށް ފޮނުވަންވެސް ވަނީ އަންގާފަ އެވެ.
