އަމީނީމަގުގައި މި ސަރުކާރުގެ ވެރިކަމަށް އައިސް އެންމެފަހުން ތާރުއެޅި ސަރަހައްދު ކަމަށްވާ ހާބަރު ފުޑްކޯޓު ސަރަހައްދުގެ ތާރު ގަނޑު ހަލާކުވެ ބޮޑެތި ވަޅުގަނޑުތައް ހުރީ ހެދިފަ އެވެ. އެކަމުގެ ސަބަބުން އެމަގުގައި ދުއްވަން ނުރައްކާތެރިވެފައި ވެއެވެ. އެ ސަރަހައްދު އަލުން ހަދަން ރޭ ވަނީ ފަށާފަ އެވެ. އަދި އެ ސަރަހައްދު ރޭ ދަންވަރުން ފެށިގެން ވަނީ ބަންދުކޮށްފަ އެވެ.
އަމީނީ މަގު ތާރުނަގާ މަރާމާތުކުރުމުގެ މަސައްކަތް ކުރަނީ
އަލުން މަރާމާތުކުރަން ނިންމާފައިވަނީ މާލޭގެ މަގުތައް ތަރައްގީކޮށް މަރާމާތުކުރުމަށް ހިންގާ "މާލެ ރޯޑް ޕްރޮޖެކްޓް"ގެ ދަށުންނެވެ. އެ މަސައްކަތް ހަވާލުކޮށްފައިވަނީ އެމްޓީސީސީއާ އެވެ
އެމްޓީސީސީން އަމީނީ މަގު މަރާމާތުކުރުމުގެ މަސައްކަތް މިއަދު ވަނީ ފަށާފައެވެ. މިހާރު ކުރިއަށް ގެންދަނީ ދަރުމަވަންތަ ޕާކުން ފެށިގެން އިއްޒުދީން މަގާއި ހަމައަށް ހިމެނޭ ސަރަހައްދުގެ މަސައްކަތެވެ.
އަމީނީ މަގު ތާރުނަގާ މަރާމާތުކުރުމުގެ މަސައްކަތް ކުރަނީ
މަގު މަރާމާތުގެ މަސައްކަތްތަކަށް ޓަކައި އިއްޒުއްދީން މަގުން ފެށިގެން، ދަރުމަވަންތަ ހޮސްޕިޓަލް ކައިރީގައިވާ ޕާކާއި ހަމައަށް އަމީނީމަގު މިހާރު ވަނީ ބަންދުކޮށްފައެވެ.
