ރައީސްގެ މި ދަތުރަކީ އދ. ގެ އިގުތިސާދީ އަދި އިޖުތިމާއީ ކަންތައްތަކާ ބެހޭ ޖަމިއްޔާ އާއި ރާއްޖޭގެ އޮޑިޓާ ޖެނެރަލްގެ އޮފީހާ ގުޅިގެން ތިން ދުވަހުގެ މުއްދަތަށް އެ ރަށުގައި ކުރިއަށް ގެންދާ ސިމްޕޯޒިއަމް ނިންމާލުމުގެ ރަސްމިއްޔާތަށް ކުރައްވާ ދަތުރެކެވެ.
މި މަހާސިންތާގައި މިއަދު ބާއްވާނީ މޫސުމީ ބަދަލުތަކުން އަރައިގަތުމަށް ގައުމުތަކުން ކުރާ މަސައްކަތްތަކުގައި އޮޑިޓް އިދާރާތަކުން އަދާކުރާ ދައުރުގެ މައްޗަށް ކުރިއަށް ގެންދާ މަޝްވަރާތަކެވެ. އަދި ހިންގުމުގެ ނިޒާމު ޑިޖިޓަލައިޒްކުރުމާއި ގުޅޭ ސެޝަންތަކެއް ވެސް ކުރިއަށް ގެންދާނެ އެވެ.
