ރަޢީސް މުއިއްޒުގެ ދެ ކަނބަލުން މިހާރު އުކުޅަހަށް ކުރައްވަމުން ގެންދަވާ ދަތުރުފުޅުގައި ރޭ އެރަށުގައިވަނީ ވެރިކަން ކުރާ ޕީއެންސީގެ ޖަގަހަ ޖަލްސާއެއް ބާއްވާފަ އެވެ.
އެޖަލްސާގައި ވާހަކަ ދައްކަވަމުން ރައީސް މުއިއްޒު ވިދާޅުވީ ރަށުގެ ބީހިޔާވަހިކަމްަށް ހައްލު ހޯދުމަށް ކައުންސިލާއި އެކު ކުރެވުނު މަޝްވަރާގައި އެރަށު ހިއްކި ބިމުމުގެ ސަރަހައްދަުން ިއތުރުި ސަރަހައްދު ހިއްކެން އޮތުމުން އެކަން ކޮށްދެވާނެކަމަށް ވިދާޅުވި ކަމަށެވެ. އެގޮތުން އެ ސަރަހައްދުން އިތުރު ދެ ހެކްޓަރުގެ ބިން ހިއްކަވާދެއްވާނެކަަމަށް ރައީސް މުއިއްޒު ވިދާޅުވި އެވެ.
އުކުޅަސް ކައުންސިލާއި، އަންހެނުންގެ ތަރައްގީއަށް މަސައްކަތްކުރާ (އ.ތ.މ ) ކޮމިޓީ އަދި ރަށުގެ ބައެއް މުއައްސަސާތަކުގެ އިސްވެރިންނާ ރައީސް ޑރ. މުއިއްޒު ބޭއްވެވި ބައްދަ؛ވުމުގައި އެރަށުގެ ތަރައްގީއަށް އެންމެ މުހިންމު ކަންކަމާ ގުޅޭގޮތުން މަޝްވަރާކުރިކަމަށް ރައީސް އޮފީހުން ބުނެ އެވެ.
އެގޮތުން ކައުންސިލް މެންބަރުންގެ ފަރާތުން ފާހަގަކުރެއްވި ކަންކަމުގެ ތެރޭގައި ބޯހިޔާވަހިކަމުގެ މައްސަލަ ހައްލުކުރުމަށް އިތުރު ހައުސިން ޔުނިޓްތަކެއް ގާއިމުކުރުމަށާއި ރަށުގެ ހިއްކި ބިމާ ގުޅުވައި އިތުރު ބައެއް ހިއްކުމަށާއި މިހާރު ހިއްކާ ނިމިފައިވާ ސަރަހައްދަށް ފެނާއި ނަރުދަމާ އަދި ކަރަންޓުގެ ހިދުމަތް ފޯރުކޮށްދިނުމުގެ އިތުރުން މަގުހަދައިދިނުމަށް ކައުންސިލްގެ ފަރާތުން އެދުނުކަން ރައީސް އޮފީހުން ފާހަގަކުރެ އެވެ. އަދި، ރަށުގެ އިންޖީނުގެ ބޮޑުކުރުމުގެ މަސައްކަތަށް ބޭނުންވާ ބިމެއް ހަމަޖެއްސުމުގައި ހުރި ދަތިކަން، މި ބައްދަލުކުރުމުގައި ކައުންސިލަރުން ހިއްސާކުރި އެވެ. މީގެ އިތުރުން ރަށުގެ ކުނި ބެލެހެއްޓުމުގެ މަސައްކަތް ވެމްކޯއާ ޙަވާޅުކުރުމަށާއި އަގުހެޔޮކޮށް ތެޔޮ ލިބޭނެ އިންތިޒާމެއް ހަމަޖައްސަވައިދެއްވުމަށްވެސް ކައުންސިލްގެ ފަރާތުން އެދުނު ކަމަށްވެސް ރައީސް އޮފީހުން ބުނެ އެވެ.
