ބައްތިރީސް ކްރޯޑު ރުޕީސްގެ އަގުހުރި މި ގޭގެ ސިޓިންރޫމުގައި ޓީވީއެއް ނުބަހައްޓަން އެ ދެމަފިރިން ނިންމީ ހާއްސަ މަގުސަދެއްގައެވެ.
ރިޕޯޓްތައް ބުނާ ގޮތުގައި ސިޓިންރޫމުގައި ޓީވީއެއް ނުބަހައްޓަން ވިރާތު އާއި އަނުޝްކާ ނިންމީ އާއިލާގެ މެންބަރުންގެ މެދުގައި އޮންނަ ގުޅުން އިތުރަށް ބަދަހިކުރުމަށެވެ. ޓީވީ ނެތުމުން ގޭތެރޭގައި އާއިލީ ވާހަކަތަކަށް އިސްކަންދެވި، އެކަކު އަނެކަކަށް ވަގުތު ދިނުމަށް މަގުފަހިވެގެންދާނެ ކަމަށް އެ މީހުން ގަބޫލުކުރެއެވެ.
މި އަގުބޮޑު ގޭގެ ޑިޒައިނާއި އިންޓީރިއާގެ މަސައްކަތްތައް ކުރިއަށްގެންގޮސްފައިވަނީ ވެސް އާއިލީ ހަމަޖެހުމާއި އަމާންކަމަށް އިސްކަންދީގެންނެވެ. މިއީ މީޑިއާގެ ސަމާލުކަމުން ދުރުވެ، އާއިލާއާ އެކު އުފާވެރި ވަގުތުކޮޅެއް ހޭދަކުރުމަށް އެ ދެމަފިރިން ތައްޔާރުކޮށްފައިވާ ހާއްސަ ދިރިއުޅުމެކެވެ.
