މިއަދު ރައްޔިތުން މަޖލީހުގައި މެންބަރަކު ކުރެއްވުި ސުވާލަކަށް ޖަވާބު ދެއްވަމުން މިނިސްޓާރު އިހްސާން ވިދާޅުވީ ޑްރަގުގެ މައްސަލަ ހައްލުކުރުމަށް ކުރެވުނު އެންމެ މުހިއްމު އެއް މަސައްކަތަކީ ޑަރގުގެ ހިދުމަތް ދޭ ކެފޭތައް ބަންދުކުރުން ކަމަށެވެ. އެގޮތުން ޑްރަގު ވިއްކާ އެ ބޭނުންކުރުމުގެ ހިދުމަތް ދެމުން އައި 11 ތަނެއް މިހާތަނަށް ބަންދުކޮށްފައިވާކަމަށް އިހްސާން ވިދާޅުވި އެވެ. އޭގެ ތެރޭގައި ހިމެނެނީ މާލޭގެ 6 ތަނަކާއި އަތޮޅުތެރެެއިން 5 ތަނެއް ކަމަށް އިހްސާން ވިދާޅުވި އެވެ.
ޑްރަގު ވިއްކާތީ މާލެއިން ބަންދުކުރި ގެތައް
މިނިސްޓަރު އިހްސާން ވިދާޅުވީ މި ސަރުކާރުގެ މިދިޔަ ދެ އަހަރާއި ބައިގެ ތެރޭގައި 1.3 ޓަނު މަސްތުވާތަކެތި އަތުލައިގެންފައިވާ ކަމަށެވެ. މީ މިދިޔަ ސަރުކާރުގެ ވެރިކަމާއި އަޅާ ކިޔާއިރު 30 އިންސައްތަ އިތުރު އަދަދެއްކެމަށް އިހްސާން ވިދާޅުވި އެވެ. އެގޮތުން މިދިޔަ ސަރުކާރުގެ ފަސް އަހަރުގެ ތެރޭގައި ހިފެހެއްޓުނީ އެއް ޓަނުގެ މަސްތުވާތަކެތިކަމަށްވެސް އިހްސާން ވިދާޅުވި އެވެ.
