އެމްޕީބީ ހުޅުވަން ބޭއްވި ރަސްމިއްޔާތުގައި އެމްއެމްއޭގެ ގަވަރުނަރު މުނައްވަރުގެ އިތުރުން އެމްއެމްއޭގެ މެނޭޖުމަންޓުގެ ބޭފުޅުންގެ އިތުރުން އެމްޕީބީގެ ގެ ބޯޑު ޗެއާޕާސަންގެ މަގާމުގައި ހުންނެވީ އައިޝާ ނުރައިން ޖަނާހް އާއި އެ ބޭންކުގެ ޑިރެކްޓަރުން ބޯޑުގެ ބޭފުޅުން ބައިވެރިވި އެވެ.
އެމްޕީބީއަކީ ރާއްޖޭގެ ނުވަ ވަނަ ކޮމާޝަލް ބޭންކެވެ. މިއަދު ހުޅުވި އެމްޕީބީގެ އޮފީސް ހުންނަނީ ބޮޑުތަކުރުފާނު މަގު ހ. ސަންލީތުގައެވެ.
އެމްޕީބީގެ ގެ ބޯޑު ޗެއާޕާސަންގެ ނުރައިން ވިދާޅުވީ ބޭންކްގެ ލައިސަންސްގެ ޕްރީ-އެޕްރޫވަލް މަރުހަލާގައި ވޭތުވެދިޔަ އެއް އަހަރު ދުވަހު ގިނަ މަސައްކަތްތަކެއް ވަނީ ކުރެވިފަ އެވެ.
އެމްޕީބީ ބޭންކުގެ މެނޭޖްމަންޓް ޓީމަކީ ބޭންކިންގް ޓެކްނޮލޮޖީ، އޮޕަރޭޝަންސް، ރިސްކް، އަދި ހިއުމަން ރިސޯސަސްގެ ދާއިރާތަކުން އޭޝިއާ އާއި އެފްރިކާ އަދި ޔޫރަޕުގެ އިތުރުން ޕެސިފިކް އަދި ރާއްޖެ ހިމެނޭހެން ދުނިޔޭގެ 14 ގައުމެއްގައި މަސައްކަތްކޮށް، ފުޅާ ދާއިރާއެއްގައި ތަޖުރިބާ ހޯދާފައިވާ ޓީމެކެވެ.
އަދި ރެގިއުލޭޓްކުރެވޭ މާލީ އިދާރާތަކުގެ އިސް ލީޑަޝިޕް މަގާމުތައް ފުރާއްވަވާފައިވާ މި ޓީމަކީ ޑިޖިޓަލް ޓްރާންސްފޮމޭޝަން، ގަވަރނަންސް، އޮޕަރޭޝަނަލް އެކްސެލެންސް، އަދި ދެމެހެއްޓެނިވި ކުރިއެރުމުގެ ދާއިރާއިން ބައިނަލްއަގުވާމީ ފެންވަރުގެ ހަޔާތްތެރިކަން ލިބިފައިވާ ބޭފުޅުންނެވެ.
