ސައުދީން އިސްވެ އޮވެ އިތުރު 13 ގައުމަކުން ގުޅިގެން ގަލްފުގެ ގައުމުތަކުން ކަނޑު މަގުން މުދާ އުފުލުމުގައި ބޭނުންކުރަމުން އަންނަ މައި ކަނޑުއޮޅިތަަކުގެ ރައްކާތެރިކަން ބަލަހައްޓަން އއިއްތިާދެއް ގާއިމުކުރީ މިދިޔަ މަހުގެ ފަހުކޮޅު އެވެ. މި އިއްތުހާދުން ބާބުލްމަންދަބު ކަނޑުއޮޅިއާއި، ރަތްކަނޑު އަދި އަދަން ކަނޑުއޮޅީގައި ދަތުރުކުރާ އުޅަނދުތަކުގެ ރައްކާތެރިކަން ފޯރުކޮށް ދޭން ވަނީ ނިންމާފަ އެވެ.
"ޗާޓާ އޮފް ދަ މަލްޓިނެޝަނަލް މެރިޓައިމް ޑިފެންސް ކޯލިޝަން" ގައި ރާއްޖޭން ބައިވެރިވާން ނިންމާ އެކަމުގައި ބައިވެރިވުމަށް ރުހުން ހޯދުމަށް ރައީސް ޑރ. މުހައްމަދު މުއިއްޒު ވަނީ ރައްޔިތުން މަޖލިހަށް ފޮނުއްވީ މިމަހުގެ 11 ވަނަ ދުވަހު އެވެ.
އެ އިއްތިހާދުގައި ރާއްޖޭން ބައިވެރިވެ، އެ މުއާހަދާގައި ސޮއިކުރަން ފެންނަކަމަށް މަޖިލީހުން ރުހުން ދިނީ 58 މެމްބަރުންގެ ވޯޓުންނެވެ. އިއްތިހާދުގައި ބައިވެރިވާން ނުފެންނަ ކަމަށް އެއް މެމްބަރަކު ވޯޓުދެއްވިއިރު، ހ މެމްބަރަކު އެއްވެސް ކޮޅަކަށް ވޯޓެއް ނުދެއްވަ އެވެ.
