ޖޭއެސްސީން ބުނީ ގާޒީ އިހްސާން ސަސްޕެންޑްކުރީ އޭނާއާ ގުޅޭގޮތުން ތަހުގީގު ކުރަމުންދާ މައްސަލައާ ގުޅިގެން، ޝަރުއީ ދާއިރާގެ އިތުބާރު ނެގެހެއްޓުމުގެ މައްޗަށް ބިނާކޮށް ކޮމިޝަނުން ވަކިގޮތެއް ކަނޑައަޅަންދެން ކަމަށެވެ.
އިހްސާން ސަސްޕެންޑްކުރީ ދައުވާ ރައްދުވާ ފަރާތްތަކުގެ ކިބައިން އަޑުއެހުމެއް ނެތި ދަންވަރު ގަޑީގައި ވަގުތީ އަމުރެއް ނެރުއްވި މައްސަލައެއް ފެންމަތިވެފައިވަނިކޮށެވެ. އެ އަމުރުގެ ދަށުން ލެގޫންސް ކްލަބުގެ ބޭންކް އެކައުންޓްތައްވެސް ވަނީ ހިފަހައްޓާފައެވެ.
މީގެ ކުރިންވެސް ސިވިލް ކޯޓުގެ މުވައްޒަފުންގެ ތެރެއިން ގާޒީ އިހްސާނާ ދެކޮޅަށް މައްސަލަތަކެއް ޖޭއެސްސީއަށް ހުށަހަޅާފައިވާކަން މީޑިއާއަށް ވަނީ ތިލަވެފައެވެ.
