ރައީސް ޔާމީން މިހެން ވިދާޅުވީ މިހާރު އެމަނިކުފާނު ތިނަދޫއަށް ކުރައްވާ ދަތިރިފުޅުގައި ރޭ އެ ސީޓިގައި ބޭއްވި ޕީއެންއެފް ޖަލްސާގައި ވާހަކަ ދައްކަވަމުން ނެވެ.
ޔާމީން ވިދާޅުވީ ގއ. އަދި ގދ އަތޮޅަކީ ފަތުރުވެރިކަމުގެ ފުރުސަތު ވަރަށް ބޮޑަށް އޮތް ދެ އަތޮޅުކަމަ ސެވެ. އެގޮތުން ހިސާބު ޖަހާއިރު، ތިނަދޫ ސަރަހައްދުގައި މަދުވެގެން 20،000 ޓޫރިސްޓު އެނދު ބެހެއްޓޭނެ ކަމަށް ލަފާކުރެވޭނެ ކަމަށް ޔާމީން ވިދާޅުވި އެވެ.
އެގޮތުން 2028ގެ ރިޔާސީ އިންތިހާބު ކާމިޔާބުވެ ވެރިކަން ލިބިވަޑައިގެންފިނަމަ އެމަނިފާނުގެ ވެރިކަމެއްގައި ފުރަތަމަ ޓޫރިޒަމް ޒޯނަކަށް ހަދާނީ ތިނަދޫކަމަށް ރައީސް ޔާމީން ރޭ ވިދާޅުވި އެވެ.
ތިނަދޫ ސިޓީއަށް ރައީސް ޔާމީން ވަޑައިގެން އުޅުއްވަނީ އެ ސިޓިގައި ދެވަނަ ފަހަރަށް މީހުން އާބާދުވިތާ 60 އަހަރު ފުރުން ފާހަގަކުރުމަށް ބާއްވާ ހަރަކާތްތަކުގައި ބައިވެރިވެޑައިގަތުމަށެ ވެ.
މި ދަތުރުގެ ތެރެއިން ޔާމީން ވަނީ އެމަނިކުފާނުގެ ޕާޓީ ޕީއެންއެފްގެ ޖަލްސާއެއް އެރަށުގައި ރޭ ބާއްވާފަ އެވެ. މީ މާލެއިން ބޭރުގައި ޕީއެންއެފްއިން ބޭއްވި ފުރަތަމަ ޖަލްސާ އެވެ. މީހުންނަށް ސުވާލުކުރެވޭ ގޮތަށް ކުރިޔަށް ދިޔަ މި ޖަލްސާގައި ގިނަ ބަޔަކު ވަނީ ރައީސް ޔާމީނާ އެކި ސުވާލުތައް ކޮށްފަ އެވެ.
