އަބްދުލްއަޒީޒް ޖަމާލް އިންފޮމޭޝަން ކޮމިޝަނަރުގެ މަގާމަށް އައްޔަންކުރަން މަޖިލިހަށް ރައީސް ޑރ. މުހައްމަދު މުއިއްޒު ފޮނުއްވީ އިއްޔެ އެވެ.
އެއާއި އެކު އޭނާއާ ގުޅިގެން ޝަކުވާ އޮތް ނަމަ ހުށަހަޅަން ހަ ގަޑިއިރުގެ ވަގުތެއް މަޖިލިހުން ދިނުމަށްފަހު ކޮމެޓީން މިއަދު ވަނީ އަބްދުލްއަޒީޒް ޖަމާލް އާ އިންޓަވިއުކޮށްފަ އެވެ. އެ އިންޓަވިއުގައި ވާހަކަ ދައްކަވަމުން އަބްދިލް އަޒީޒް ޖަމާލް އަބޫބަކުރު ވިދާޅުވީ މައުލޫމާތު ހޯދައި ލިބިގަތުމުގެ ހައްގުގެ ގާނު ހެދުމުގެ މަސައްކަތުގައި ބޮޑު ދައުރެއް އަދާކުރެއްވި ކަމަށެވެ. އަދި ކުރިން އިންފޮމޭޝަން ކޮމިޝަނަރަކަށް ހުންނެވިއިރު މަސައްކަތް ކުރައްވީ "ގާނޫނުގެ ނިޔަތާ އެއްގޮތަށް" ކަމަށާއި ދެންވެސް މަސައްކަތް ކުރައްވާނީ އެގޮތަށް ކަމަށެ ވެ.
އަޒީޒް ޖަމާލާ އިންޓަވިއުކުރުމަށްފަހު، މިނިވަން މުއައްސަސާތަކުގެ ކޮމިޓީގެ މެމްބަރުން ވަނީ އޭނާއަށް 75 އިންސައްތައަށް މަތިން މާކްސް ދީފައެވެ. އެއާއި އެކު އޭނާގެ ނަން ތަޅުމަށް ފޮނުވުމަށް ކޮމެޓީން ފާސްކޮށްފައިވަނީ ވެރިކަން ކުރާ ޕީއެންސީގެ ފަސް މެމްބަރުންގެ ތާއީދާ އެކު އެވެ. ދެކޮޅަށް ވޯޓް ދެއްވީ އެމްޑީޕީގެ މެމްބަރު ގަލޮޅު ދެކުނު ދާއިރާގެ މެމްބަރު މީކާއިލް އަހުމަދު ނަސީމް އެކަންޏެވެ.
އަބްދުލްއަޒީޒަކީ އާރުޓީއައި ގާނޫނުގެ ދަށުން އެންމެ ފުރަތަމަ އިންފޮމޭޝަން ކޮމިޝަނަރެވެ. އޭނާ އެ މަގާމުގައި ހުންނެވީ 2014 އިން ފެށިގެން 2019 ވަނަ އަަހަރަށެވެ.
