އަހްމަދު އަބްދުﷲ ވިދާޅުވީ އޭނާ މަގާމުން އިސްތިއުފާ ދެއްވީ އެމްޑީޕީގެ ރިޔާސީ ޕްރައިމަރީގައި ވާދަކުރައްވާނެކަން އިއުލާނު ކުރައްވާފައިވާ އެ ޕާޓީގެ ކުރީގެ ރައިސް އަބްދުﷲ ޝާހިދުގެ ކެމްޕޭނުގައި ހަރަކާތްތެރިވުމަށެވެ.
އަހުމަދު އަބްދުﷲ އަކީ ޝާހިދުގެ އަރިސް ބޭފުޅެކެވެ. ޝާހިދުގެ ކެމްޕޭނުގައި މިހާރު ވެސް އިސް ސަފުގައި އޭނާ ހަރަކާތްތެރިވެ އެވެ.
އެމްޑީޕީގެ އިސް މަގާމެއްގައި ހުންނަވައިގެން އެ ޕާޓީގެ އެތެރޭގެ އިންތިހާބެއްގައި ވާދަކުރެއްވުމަކީ ގަބޫލުު ކުރައްވާ ކަމެއް ނޫން ކަމަށް ޝާހިދު ވެސް ވިދާޅުވެފައިވެ އެވެ.
ދެހާސް އަށާވީހުގެ ރިޔާސީ ޕްރައިމަރީގައި އެމްޑީޕީގެ ފަރާތުން ވާދަކުރައްވާކަން ޝާހިދު ރަސްމީކޮށް އިއުލާނުކުރެއްވީ ނިމުނު ޖުލައި މަހުގެ 14 ވަނަ ދުވަހުގައެވެ. އެއަށްފަހު އޭނާ ވަނީ އެ ޕާޓީގެ ރައީސްކަމުން އިސްތިއުފާ ދެއްވާފަ އެވެ.
