މި ޕްރޮގްރާމްގެ ދަށުން ފުރުސަތު ހުޅުވާލެވިފައިވާ ދާއިރާތަކަކީ:
އެމްޓީސީސީން ބުނީ، މި ޕްރޮގްރާމްގެ ތެރެއިން ބައިވެރިންނަށް މަސައްކަތުގެ ތަޖުރިބާގެ އިތުރުން، ފަންނީ އަދި ޕްރޮފެޝަނަލް ހުނަރުތައް ދަސްކޮށްދީ، މެންޓަރޝިޕް ފޯރުކޮށްދެވޭނެ ކަމަށެވެ. އަދި ކަސްޓަމަރ ސާވިސް، ފަޔާ ސޭފްޓީ، އަދި ހޭލުންތެރިކުރުމުގެ ތަމްރީނުތަކާއި، ކަމާ ގުޅޭ ފަންނީ އަދި އޮޕަރޭޝަނަލް ހާއްސަ ތަމްރީނުތައް ފުރިހަމަ ކުރުމުގެ ފުރުސަތު ލިބިގެންދާނެ ކަމަށްވެސް ވިދާޅުވިއެވެ.
އަދި މި ޕްރޮގްރާމް ކާމިޔާބުކަމާއެކު ފުރިހަމަ ކުރާ ފަރާތްތަކުގެ މަސައްކަތުގެ ފެންވަރު ބެލުމަށްފަހު، އެމްޓީސީސީން ދާއިމީ ވަޒީފާ ފުރުސަތު ލިބުމުގެ ފުރުސަތު އޮންނާނެ ކަމަށްވެސް ބުންޏެވެ.
މި ޕްރޮގްރާމަށް ކުރިމަތިލުމުގެ ފުރުސަތު މިއަދުން ފެށިގެން އަންނަ މަހުގެ 2 ވާ ބުދަ ދުވަހުގެ މެންްދުރު 12:00 ގެ ނިޔަލަށް ވަނީ ހުޅުވާލާފަ އެވެ. އެހެންކަމުން، ޝައުގުވެރިވާ ފަރާތްތަކުން އެމްޓީސީސީގެ ކެރިއާ ޕޭޖް މެދުވެރިކޮށް އެޕްލިކޭޝަން ހުށަހެޅުމަށް އެކުންފުނިން ދައުވަތު އަރުވަ އެވެ.
އެމްޓީސީސީއިން މައުލޫމާތުދެއްވާ ގޮތުގައި މި ޕްރޮގްރާމާއި ބެހޭ އިތުރު މައުލޫމާތު، އެކުންފުނީގެ ސޯޝަލް މީޑިއާއިންނާއި، ކުންފުނީގެ ހޮޓްލައިން 1650 އަށް ގުޅުއްވުމުންވެސް ލިބޭނެ އެވެ.
