މެޓް އޮފީހުން ބުނީ ސެޕްޓެންބަރުމަހު ރާއްޖޭގެ އުތުރަށް ވާރޭވެހޭނީ އާންމު މިންވަރަށްވުރެ މަދުންކަމަށެވެ. އެހެންނަމަވެސް ދެކުނާއި މެދުރާއްޖެތެރޭ އަތޮޅުތަކަށް އާންމު މިންވަރަށްވުރެ އިތުރަށް ވާރޭވެހޭނެ ކަމަށް ބެލެވޭކަމަށް މެޓް އޮފީހުން ބުނެ އެވެ.
މީގެ އިތުރުން އޮކްޓޯބަރު އަދި ނޮވެމްބަރު މިދެމަހު ރާއްޖޭގެ އުތުރާއި މެދުރާއްޖެތެރޭގެ ބައެއް އަތޮޅުތަކަށް އާންމުކޮށް ވާރޭ ވެހޭ މިންވަރަށް ވުރެ ގިނައިން ވާރޭ ވެހޭނެކަމަށާއި ނަމަވެސ،ް އެންމެ ދެކުނުގެ އަތޮޅަށް ވާރޭވެހޭނެ ކަމަށް ބެލެވެނީ އާންމުކޮށް ވާރޭ ވެހޭ މިންވަރަށް ވުރެ މަދުންކަމަށް މެޓް އޮފީހުން ބުނެ އެވެ.
ކުރިޔަށްއޮތް ތިންމަހު ރާއްޖޭގެ ހޫނުމިން ހުންނާނެ ވަރު ދައްކުވައިދޭ ޗާޓެއް
ގައުމީ މޫސުމާއި ބެހޭ އިދާރާއިން ބުނީ އަންނަ މަހުން ފެށިގެން ނޮވެމްބަރުގެ ނިޔަލަށް މުޅި ރާއްޖޭގެ ހޫނުމިންވެސް އާންމުކޮށް ހުންނަ މިންވަރަށްވުރެ މަތިވާނެ ކަމަށް ވަނީ ލަފާކުރެވޭކަމަށެވެ.
