އޭނާ ބުނި ގޮތުގައި އެ ސިޓީ އެހާ ބޮޑަށް އޭނާއަށް ހާއްސަވާ މައިގަނޑު ސަބަބަކީ، އޭނާގެ އަންހެނުން އަދި ބޮލީވުޑްގެ ކާމިޔާބު ތަރި އައިޝްވާރްޔާ ރާއީ ބައްޗަންއާ ދެމެދު އޮތް ލޯބީގެ ގުޅުން ފެށިގެން އައީ އެތަނުން ކަމަށް ވުމެވެ.
ބޮލީވުޑްގައި ފެނިގެންދިޔަ އެންމެ މަގުބޫލު އެއް ޖޯޑުގެ ލޯބީގެ ފެށުން މި ސިޓީއާ ގުޅިފައިވުމަކީ ގިނަ ބަޔަކަށް ވެސް އާ ކަމަކަށް ވިއެވެ. އަބީޝެކް މި ރީތި ހަނދާންތައް އާކުރުމާ ގުޅިގެން، "ޕިންކް ސިޓީ" ގެ ނަމުން މަޝްހޫރުވެފައިވާ ޖައިޕޫރަށް ފޭނުންގެ މެދުގައި ވަނީ އިތުރު ހާއްސަކަމެއް ލިބިގެން ގޮސްފަ އެވެ.
އަބީޝެކް އާއި އައިޝްވާރްޔާ ކައިވެނިކޮށްފައިވަނީ 2007 ވަނަ އަހަރު އެވެ. މި ދެތަރިންނަކީ ބޮލީވުޑްގައި ގިނަ ބައެއްގެ ލޯބި ހޯދާފައިވާ ކާމިޔާބު ދެމަފިރިންނަށް ވާއިރު، ޖައިޕޫރާ ގުޅިފައިވާ މި ލޯބީގެ ވާހަކައާއެކު، އެ ސިޓީއަކީ އެމީހުންގެ ހަޔާތުގައި ވަރަށް ފޮނި ހަނދާންތަކެއް އެކުލެވިގެންވާ މުހިންމު މަންޒިލެއްކަން މިވަނީ ހާމަވެފަ އެވެ.
