އެމްޓީޑީސީއިން މިގޮތަށް ފާސްކޮށްފައިވަނީ ހޮޓެލް ޖެންްގައި ބޭއްވި އެ ކުންފުނީގެ އަހަރީ އާންމު ޖަލްސާގަ އެވެ.
ރޭ ބޭއްވި އަހަރީ އާންމު ޖަލްސާގައި، އާންމު ހިއްސާދާރުން ތަމްސީލު ކުރާނެ ފަސް މެންބަރަކު ވަނީ ހޮވައިފަ އެވެ. އެއީ ކުރީގެ ޕްރޮސެކިއުޓާ ޖެނެރަލް އަހުމަދު މުއިއްޒު އާއި އައިޝަތު ލީޒާ އާއި އައިމިނަތު އަޒްލިފާ އާއި މިންނާ ރަޝީދު އަދި އިބްރާހިލް ލަތީފް އެވެ.
އެމްޓީޑީސީގެ އަހަރީ އާންމު ޖަލްސާގައި މިދިޔަ އަހަރުގެ ކުންފުނީގެ ފައިދާއިން އެކުންފުނީގެ ހިއްސާދާރުން އެމްޓީޑީސީގެ ބޯޑުން ހުށަހަޅާފައިވަނީ ހިއްސާއަކަށް 50 ލާރިއެވެ. މިއީ މިދިޔަ އަހަރުވެސް އެމްޓީޑީސީއިން ހިއްސާއަކަށް ބަހާފައިވާ މިންވަރެވެ. އެކުންފުނީގެ އަހަރީ އާންމު ޖަލްސާގައި މިއަދަދު ފާސްވީ، 98.9 އިންސައްތަ މީހުންގެ ވޯޓާއެކު އެވެ.
ސްޓޮކް އެކްސްޗޭންޖުގައި އެމްޓީޑީސީގެ ހިއްސާއެއް މިވަގުތު ވިކެނީ 13.70 ރުފިޔާ އާއި 14.76 ރުފިޔާއާ ދެމެދުގެ އަގެއްގަ އެވެ. އެމްޓީޑީސީގެ ހިއްސާގެ ސްޓްރަކްޗާއަށް ބަދަލުތަކެއް ގެންނަން އުޅޭކަމުގެ އަޑު މިފަހުން ފެތުރުމުން ހިއްސާއެއްގެ އަގު ދެ ރުފިޔާވަރު އުފުލުނެވެ. އެކަމަކު، އަނެއްކާ ވެސް އަގު ދަނީ މަޑުމަޑުން ތިރިވަމުންނެވެ.
އެމްޓީޑީސީގެ %47 ހިއްސާ އަކީ ސަރުކާރުގެ ހިއްސާ އެެވެ. ބާކީ %53 ހިއްސާ އަކީ އާންމުންގެ ހިއްސާ އެވެ.
