އުމުރުން 23 އަހަރުގެ އީމާއަކީ މިސް ވޯލްޑްގައި ރާއްޖެ ތަމްސީލުކުރާ ފުރަތަމަ ފަރާތެވެ. އޭނާ މި މުބާރާތަށް ހޮވިފައިވަނީ މިދިޔަ އޮގަސްޓު މަހުގެ 3 ވަނަ ދުވަހުއެވެ. އިންޓަނޭޝަނަލް ފެންވަރުގައި ރާއްޖޭގެ ނަން ވިދާލުމަށް އީމާ މަސައްކަތްކުރަމުން އަންނައިރު، އޭނާ ދަނީ މި މުބާރާތުގެ އެކި ހަރަކާތްތަކުގައި ބައިވެރިވަމުންނެވެ.
އީމާގެ މި ހިތްގައިމު ޖަވާބު އަމާޒުކޮށްފައިވަނީ، މިދިޔަ އޮގަސްޓު މަހުގެ 26 ވަނަ ދުވަހު ނޭޕާލަށް ކުރިމަތިވި ނުރައްކާތެރި ފެންބޮޑުވުމުގެ ކާރިސާއަށެވެ. ގަނޑުފެންގަނޑެއް ކަނޑައިގެން ގޮސްގެން އައި ބޮޑު ފެންގަނޑުގެ ސަބަބުން ނޭޕާލްގެ އެކި ސަރަހައްދުތަކުން 1،050 އަށްވުރެ ގިނަ މީހުން ވަނީ މަރުވެފަ އެވެ. އަދި އެތައް ހާސް ބައެއްގެ ގެދޮރާއި މުދާ ވަނީ އެއްކޮށް ހަލާކުވެފަ އެވެ.
ސައިކޮލޮޖީ ކިޔަވަމުންދާ އީމާއަކީ ތިމާވެށި ހިމާޔަތްކުރުމަށް ވެސް އަޑުއުފުލާ ޒުވާނެކެވެ. އޭނާގެ މި އޯގާތެރި ޖަވާބުގެ ސަބަބުން ގިނަ ބައެއްގެ ތައުރީފު އޭނާއަށް ދަނީ ލިބެމުންނެވެ. އީމާ ދަނީ މިހާރު ވެސް އިންޓަނޭޝަނަލް މައިދާނުގައި ރާއްޖެ ފަހުރުވެރިކޮށްދެމުންނެވެ.
