މިދިޔަ މެއި މަހު މިލަންދޫ ބަނދަރުމަތިން ނާޞިރު ހައްޔަރުކުރިއިރު، އޭނާގެ އަތުން 61.1205 ގްރާމްގެ ޑައިމޯފިން ފެނިފައިވާ ކަމަށް ފުލުހުން ބުނެއެވެ.
ޤާނޫނުގައިވާ ގޮތުން 4 ގްރާމަށްވުރެ އިތުރަށް ޑައިމޯފިން އަތުގައި ބެހެއްޓުމަކީ ޓްރެފިކްކުރުމުގެ ކުށަށްވާތީ، މި ކުށް ސާބިތުވެއްޖެނަމަ އޭނާއަށް 25 އަހަރުގެ ޖަލު ހުކުމަކާއެކު 100,000 ރުފިޔާއާއި 10 މިލިއަން ރުފިޔާއާ ދެމެދުގެ ޖޫރިމަނާއެއް އަންނާނެއެވެ.
ނާޞިރުގެ ފަރާތުން ބަންދު މުރާޖަޢާކޮށްދިނުމަށް އެދުނު ނަމަވެސް، ކޯޓުން ނިންމީ އޭނާ ދޫކޮށްލައިފިނަމަ މުޖުތަމަޢަށް ނުރައްކާވެދާނެތީއާއި ހެއްކަށް ނުފޫޒު ފޯރުވަފާނެ ކަމަށް ބެލެވޭތީ، ބަންދަށް ބަދަލެއް ގެންނަންޖެހޭ ސަބަބެއް ނެތް ކަމަށެވެ.
