އެ ހޮސްޕިޓަލުން ބުނީ މި އިންޓާންޝިޕްގައި ބައިވެރިވާން އެދޭ ޑޮކްޓަރުން މި މަހުގެ 24 މުއްދަތު ހުޅުވާލާފައިވާކަމަށެވެ. އަދި އެކަމަށް އެދޭ ކުދިން ދަރުމަވަންތަ ހޮސްޕިޓަލްގައި ގާއިމްކޮށްފައިވާ ނޭޝަަލް ހެލްތު ކެއާ އެކަޑެމީއަށް ފޯމު ހުށަހަޅަން ވަނީ އެދިފަ އެވެ.
މި އިންޓާންޝިޕް ފަށަން ހަމަޖެހިފައިވަނީ އަންނަ މަހުގެ 11 ވަނަ ދުވަހު އެވެ.
އިންޓާންޝިޕް އަށް އެދި ހުށަހެޅުމުގެ ޝަރުތު:
ފޯމާއި އެކު ހުށަހަޅަންޖެހޭ ލިޔެކިޔުންތަކުގެ ތެރޭގައި މެޑިކަލް ކޮލެޖް/ޔުނިވާސިޓީ އިން ދޫކޮށްފައިވާ އެމް.ބީ.ބީ.އެސް ފުރިހަމަ ކުރިކަމުގެ ސެޓްފިކެޓްގެ އެޓެސްޓް ކޮށްފައިވާ ކޮޕީ މޯލްޑިވްސް މެޑިކަލް އެންޑް ޑެންޓަލް ކައުންސިލްއިން ދޫކޮށްފައިވާ "ސެޓްފިކެޓް އޮފް ޕްރޮވިޝަނަލް މެޑިކަލް ރެޖިސްޓްރޭޝަން" ގެ އެޓެސްޓް ކޮށްފައިވާ ކޮޕީ ހިމެނެއެވެ.
ޕްރޮގްރާމަށް ހޮވޭ ފަރާތަތްތަކުން، ޕްެރޮގްރާމް ފެށުމުގެ ކުރިން، ހޮސްޕިޓަލުން އެންގުމުން ސެޓްފިކެޓްތަކުގެ އަސްލު ގެންނަން ވާނެކަމަށް އައިޖީއެމްއެޗްއިން ބުނެ އެވެ.
އިންޓާންންޝިޕް ޕްރޮގްރާމަށް ހޮވުމަށް ހަމަޖެހިފައިވަނީ 24 ކުދިންކަމަށާއި އެހެންނަމަވެސް ޝަރުތު ފުރިހަމަވާ 24 އަށްވުރެ ގިނަ ފަރާތުން ކުރިމަތިލައިފިނަމަ ޕްެރޮގްރާމަށް ބައިވެރިން ހޮވުމުގައި އިސްކަން ދެވޭނީ އެމް.ބީ.ބީ.އެސް ފުރިހަމަ ކޮށްފައިވާ ތާރީހަށް ބަލައި، ކޯސް ފުރިހަމަ ކުރިފަހުން ގިނަ ދުވަސް ވެފައިވާ ކުދިންނަށްކަމަށް އައިޖީއެމްއެޗްއިން ބުނެ އެވެ.
ޑޮކްޓަރުންގެ މުސާރައިގެ އާ އޮނިގަނޑުގައި ވަނީ އިންޓާން ޑޮކްޓަރުންނަށް 10،000ރ. ގެ އެލަވަންސެއް ކަނޑައަޅައިފަ އެވެ. އެއާ އެއްގޮތަށް، ސަރުކާރު ހޮސްޕިޓަލުތަކުގައި އިންޓާންޝިޕް ޕްރޮގްރާމްގައި ބައިވެރިވާ ހުރިހާ ދަރިވަރުންނަށް ވެސް އެ އެލަވަންސް ލިބޭނެ އެވެ.
