ފުލުހުން ހައްޔަރުކޮށްފައިވަނީ ސިއާ އާއި ޗޭތަން ގުޅިގެން ރާވާފައިވާ ކަމަށް ތުހުމަތުކުރެވޭ ރޭވުމާ ގުޅުންހުރި ކަމަށް ބެލެވޭ، ޗޭތަންގެ ރައްޓެއްސެއް ކަމަށްވާ ރިތޭޝް ހަންގޭއެވެ.
އޭނާ ހައްޔަރުކޮށްފައިވަނީ ބީޑް އިން ކަމަށްވާއިރު، ރިތޭޝް ހައްޔަރުކުރުމަކީ މި މަރުގެ މައްސަލައިގައި ފުލުހުން ކުރިއަށްގެންދާ ތަހުގީގަށް ލިބުނު ވަރަށް ބޮޑު ކުރިއެރުމެއް ކަމަށް ކަމާބެހޭ ފަރާތްތަކުން ދެކެއެވެ. މިކަމުގެ ސަބަބުން ކެޓާން މަރާލުމުގައި ބައިވެރިވި އެންމެންގެ ދައުރު އިތުރަށް ސާފުވެގެންދާނެ ކަމަށް ބެލެވެއެވެ.
މި މައްސަލައިގައި މައިގަނޑު ގޮތެއްގައި ތުހުމަތުކުރެވެނީ ސިއާ އާއި ޗޭތަން ގުޅިގެން ކެޓާން މަރާލުމަށް ބޮޑު ރޭވުމެއް ރާވާފައިވާ ކަމަށެވެ. އަދި ރިތޭޝްއަކީ ޗޭތަންގެ ގާތް ރައްޓެއްސަކަށް ވުމުން، މި ރޭވުން ތަންފީޒުކުރުމުގައި އޭނާގެ ބޮޑު ދައުރެއް ވާކަމަށް ފުލުހުން ތުހުމަތުކުރެއެވެ.
ފުލުހުން ބުނާ ގޮތުގައި މި ހާދިސާ ހިނގައިދިޔަ ގޮތުގެ ތަފްސީލުތައް ހޯދުމުގެ މަސައްކަތް މިހާރު ވެސް އަންނަނީ ކުރަމުންނެވެ. އެގޮތުން ކެޓާން މަރާލުމުގެ ކުރިންނާއި ފަހުން ކަންތައްތައް ހިނގާފައިވާ ގޮތް ގުޅުވާލުމަށްޓަކައި، މިހާތަނަށް ލިބިފައިވާ ހެކިތަކުގެ މައްޗަށް ބިނާކޮށް ގިނަ މައުލޫމާތުތަކެއް އަންނަނީ އެއްކުރަމުންނެވެ.
މައްސަލައިގެ ތަހުގީގު އިތުރަށް ކުރިއަށްދާ ވަރަކަށް، މި މަރާ ގުޅޭ އިތުރު ތަފްސީލުތައް ހާމަވެގެންދާނެ ކަމަށް ކަމާބެހޭ އިދާރާތަކުން ލަފާކުރެ އެވެ. އަދި މިކަމުގައި ޝާމިލުވާ ހުރިހާ އެންމެން ހޯދައި، އެ މީހުންނާ ދެކޮޅަށް ގާނޫނީ ފިޔަވަޅު އެޅުމުގެ މަސައްކަތް ފުލުހުން ދަނީ ހުއްޓުމެއްނެތި ކުރަމުންނެވެ.
