އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ކޯޓުން ވަނީ އޭނާގެ ބަންދަށް 15 ދުވަހުގެ މުއްދަތެއް ދީފައެވެ. ނަމަވެސް، މިފަހަރު އޭނާ ގެއްލުންދިނީ ކޮން މިސްކިތަކަށް ކަމެއް އަދި ސާފެއް ނުވެއެވެ.
ނައުޝާދަކީ މީގެ ކުރިންވެސް މިސްކިތްތަކަށް ގެއްލުންދީގެން ހައްޔަރުކޮށްފައިވާ މީހެކެވެ. އެގޮތުން، މީގެ ކުރިން މާލޭގެ ފުރުގާން މިސްކިތުގެ އިމާމް ހުންނަ ދިމާލުގެ ކަރަންޓު ބޯޑުތަކަށް ގެއްލުންދީ، ވުޟޫކުރާ ބައިގެ އިސްކުރުތައް ބިންދާލައި، އަދި މިސްކިތުގައި ހުރި މުޞްޙަފްތައް މުޅި ތަނަށް އުކާލި މައްސަލައިގައިވެސް އޭނާ ހައްޔަރުކުރިއެވެ.
