މުލިއާގޭގައި މިއަދު މެންދުރުފަހު އޮތް މި ބައްދަލުކުރެއްވުމުގައި ރާއްޖޭގެ ތަރައްގީގެ ދަތުރުގައި އެ ފަންޑާއި ސައުދީ ސަރުކާރުން މެދުކެނޑުމެއްނެތި ފޯރުކޮށްދެމުންދާ އެހީތެރިކަމާއި އެއްބާރުލުމަށް ރައީސް ވަނީ ޝުކުރު އަދާކުރައްވާފަ އެވެ.
މި ބައްދަލުކުރެއްވުމުގައި ސުލްތާން ބިން އަބްދުއްރަޙްމާން ވަނީ އެ ފަންޑާއި ރާއްޖެއާ ދެމެދު އޮތް ވަރުގަދަ އިސްތިރާޖީ ގުޅުމުގެ މައްޗަށް އަލިއަޅުވާލައި، އެތައް އަހަރަކަށް ދެމިގެންގޮސްފައިވާ މި ގާތް ގުޅުން އިތުރަށް ބަދަހިކުރުމަށް އެ ފަންޑުން ދޭ އަހައްމިއްޔަތުކަން ފާހަގަކޮށްފަ އެވެ.
ސައުދީ ފަންޑުގެ ސީއީއޯ ސުލްތާން ރާއްޖެ ވަޑައިގެންނެވީ މި މަހުގެ 13 ވަނަ ދުވަހު އެވެ.
ސުލްތާން ބިން އަބްދުއްރަހްމާން މީގެ ކުރިންވެސް ރާއްޖެ ވަޑައިގެންފައިވެ އެވެ. އެ ގޮތުން ސުލްތާން ބިން އަބްދުއްރަހްމާނަށް މިދިޔަ އަހަރު ވަނީ ނިޝާން މުލީގޭ ޝަރަފުގެ އިއްޒަތް އަރުވާފަ އެވެ.
