މި ހަފްލާގެ ތެރެއިން ނަގާފައިވާ ފޮޓޯތަކާއި ވީޑިއޯތައް އިންޓަނެޓުގައި އާންމުވުމާ އެކު، ގިނަ އަދަދެއްގެ ބަޔަކު ވަނީ އޭނާގެ ފެނިލުމާ މެދު ބަހުސްކުރަން ފަށާފަ އެވެ.
މުމްބާއީގެ މަޝްހޫރު ގަނޭޝް ހަފްލާއިން ކެޓްރީނާ ފެނިގެންދިޔަ އިރު، ބައެއް މީހުން ވަނީ އޭނާގެ ހަށިގަނޑު ކުރިއަށް ވުރެ ފަލަކޮށް ފެންނަ ކަމަށް ބުނެ ކޮމެންޓްކޮށްފައެވެ. އަދި ވިހެއުމަށް ފަހު އަންހެނުންގެ ހަށިގަނޑަށް އަންނަ ބަދަލުތަކާ (ޕޯސްޓްޕާޓަމް ބޮޑީ) ގުޅުވައިގެން ވެސް ބައެއް މީހުން ވަނީ ސޯޝަލް މީޑިއާގައި ނޭދެވޭ ގޮތްގޮތަށް ވާހަކަ ދައްކާފަ އެވެ.
މި ފާޑުކިޔުންތަކާ ގުޅިގެން ކެޓްރީނާގެ ގިނަ ސަޕޯޓަރުން ވަނީ އޭނާގެ ދިފާއުގައި ތެދުވެފަ އެވެ. އެ މީހުން ބުނަމުން ދަނީ އަންހެނެއްގެ ހަށިގަނޑަށް އަންނަ ބަދަލުތަކަށް އިހުތިރާމްކުރަން ޖެހޭނެ ކަމަށާއި، ބޮޑީ ޝޭމްކުރުމަކީ އެއްވެސް މީހަކު ކޮށްގެން ވާނެ ކަމެއް ނޫން ކަމަށެވެ.
މި ބަހުސް ސޯޝަލް މީޑިއާގައި ވަރަށް ބޮޑަށް ހޫނުވެފައިވާއިރު، ބޮލީވުޑްގެ ގިނަ ފަންނާނުން ވެސް އަންނަނީ މިފަދަ ބޭކާރު ފާޑުކިޔުންތަކަށް ސަމާލުކަން ނުދިނުމަށް ގޮވާލަމުންނެވެ. އަދި އަމިއްލަ ސިފައަށް ފަހުރުވެރިވުމަށާއި، މީހުންގެ ބޭރުފުށުގެ ބައްޓަމަށް ވުރެ އެމީހުންގެ މަސައްކަތާއި ހުނަރަށް އަގުދިނުމުގެ މުހިންމުކަން މި ހާދިސާއިން ވަނީ އަނެއްކާވެސް ފާހަގަވެގެން ގޮސްފަ އެވެ.
