އެ ޖަމްޢިއްޔާއިން މިހާރު ލަފާކުރާ ގޮތުގައި 2026 ވަނަ އަހަރު ދުނިޔެއަށް ފަތުރުވެރިން ޒިޔާރަތްކުރާ މިންވަރު ކުރިއަރާނީ އެންމެ 1 އިންސައްތައާއި 2 އިންސައްތައާ ދެމެދުގެ މިންވަރަކަށެވެ.
މި ބަދަލު ގެންނަންޖެހުނު މުހިންމު ސަބަބުތަކުގެ ތެރޭގައި މެދުއިރުމަތީގައި ހިނގަމުންދާ ހަމަނުޖެހުންތަކާއި، ވައިގެ ދަތުރުފަތުރުގެ އަގުތައް އިންތިހާއަށް އުފުލިގެން ދިއުން ހިމެނެ އެވެ. މީގެ އިތުރުން، ސަރަޙައްދީ އިގްތިސާދީ ނޭގުންތެރިކަމުގެ ސަބަބުން ބައިނަލްއަގުވާމީ ދަތުރުފަތުރުތަކަށް ބޮޑެތި ގޮންޖެހުންތަކެއް ވަނީ ކުރިމަތިވެފަ އެވެ.
އދ. ގެ ތަފާސްހިސާބުތަކުން ދައްކާ ގޮތުގައި މިއަހަރުގެ ފުރަތަމަ ހަ މަސްދުވަހުގެ ތެރޭގައި މުޅި ދުނިޔެއަށް ފަތުރުވެރިން ޒިޔާރަތްކުރި އަދަދު ކުރިއަރާފައިވަނީ އެންމެ 0.4 އިންސައްތައިންނެވެ. މިއީ މުޅި ދުނިޔޭގެ ފަތުރުވެރިކަމުގެ ދާއިރާއަށް ކުރިމަތިވެފައިވާ ނާޒުކު ދަނޑިވަޅެއްކަން އަންގައިދޭ ކަމެކެވެ.
އދ. ގެ ފަތުރުވެރިކަމާ ބެހޭ ޖަމްޢިއްޔާއިން ބުނި ގޮތުގައި، ދުނިޔޭގެ އިޤްތިޞާދީ އަދި ސިޔާސީ މަޝްރަޙަށް އަންނަމުންދާ ބަދަލުތަކުގެ ސަބަބުން، ބައިނަލްއަޤްވާމީ ފަތުރުވެރިކަމުގެ ދާއިރާގެ ކުރިއެރުން މަޑުޖެހި، ކުރިއަށް އޮތް ތަނުގައިވެސް ގޮންޖެހުންތައް ކުރިމަތިވާނެ އެވެ.
