އިންޑިއާގެ އުތުރުގެ އުއްތަރު ޕްރަދޭޝް ސްޓޭޓުން 56 މީހުން މަރުވެ 46 މީހުންނަށް އަނިޔާވެފައިވާ ކަމަށް ރިޕޯޓްކޮށްފައިވާއިރު، 1،000އަށް ވުރެ ގިނަ ގެދޮރަށް ވަނީ ގެއްލުން ލިބިފަ އެވެ. މި މަހުގެ 25 އިން 27ގެ ހެނދުނާ ހަމައަށް އެ ސްޓޭޓަށް 66.5 މިލިމީޓަރުގެ ވާރޭ ވެހިފައިވެ އެވެ. އާންމު ގޮތެއްގައި މި މުއްދަތުގައި އެ ސަރަހައްދަށް ވެހެނީ 7.6 މިލިމީޓަރުގެ ވާރެ އެވެ.
ކަމާބެހޭ އިދާރާތަކުން މިހާރު ދަނީ ފެންބޮޑުވެފައިވާ ސަރަޙައްދުތަކުގައި ސަލާމަތީ އަދި މީހުން ސަލާމަތް ކުރުމުގެ އޮޕަރޭޝަންތައް ހިންގައި، ހާލުގައި ޖެހިފައިވާ މީހުންނަށް އެހީތެރިކަން ފޯރުކޮށްދެމުންނެވެ. އަދި ދަނޑުބިންތަކާއި ގޮވާމަށް ލިބުނު ގެއްލުންތައް ވަޒަންކޮށް، އެހީތެރިކަން ފޯރުކޮށްދިނުމުގެ މަސައްކަތް ވެސް ކަމާގުޅޭ އިދާރާތަކުން ދަނީ ކުރަމުންނެވެ.
މި ވިއްސާރައިގެ ސަބަބުން ދެ ގައުމުގެ ދަނޑުވެރިކަމަށް ބޮޑެތި ގެއްލުންތަކެއް ވެފައި ވާއިރު، އިންޑިއާގެ އިރުމަތީ އޮޑީޝާ މާނިލާގެ ތިރި ސަރަހައްދުތަކުގައި ދިރިއުޅޭ 70،000 އަށްވުރެ ގިނަ މީހުން ވަނީ ރައްކާތެރި ހިސާބުތަކަށް ބަދަލުކޮށްފަ އެވެ.
ނޭޕާލުގެ ޙާލަތަށް ބަލާއިރު، އެ ޤައުމުގެ 77 ޑިސްޓްރިކްޓްގެ ތެރެއިން 49 ޑިސްޓްރިކްޓަކަށް ފެންބޮޑުވުމުގެ އިންޒާރު ވަނީ ނެރެފަ އެވެ. ނޭޝަނަލް ޑިސާސްޓާ ރިސްކް ރިޑަކްޝަން އެންޑް މެނޭޖްމަންޓް އޮތޯރިޓީގެ ތަރުޖަމާނު ޝާންތީ މަހާތު ވިދާޅުވީ، މިދިޔަ މަހު 1450 އަށްވުރެ ގިނަ މީހުން މަރުވި ރަސޫވާ އާއި ނުވާކޯޓް ސަރަޙައްދުތަކުން މިހާރުވެސް އިތުރަށް ސަމާލުވެ ރައްކާތެރިވެ ތިބެންޖެހޭ ކަމަށެވެ.
