މި ނެޓްވޯކުން ވަނީ ކެންސަރު ބައްޔަށް ފަރުވާކުރުމަށް ބޭނުންކުރާ ބޭސްތަކާއި އައިސީޔޫގައި ބޭނުންކުރާ އިންޖެކްޝަންތައް ނަކަލުކޮށްގެން ގިނަ އަދަދެއްގެ ސިއްހީ މަރުކަޒުތަކަށް ސަޕްލައިކޮށްފަ އެވެ.
އިންޑިއާގެ ސިއްހީ އިދާރާތަކުން ހާމަކޮށްފައިވާ ގޮތުގައި، މި ނެޓްވޯކުން ވަނީ 90 އަށްވުރެ ގިނަ ހޮސްޕިޓަލްތަކާއި ކްލިނިކްތަކަށް މި ފޭކު ބޭސްތައް ފޯރުކޮށްދީފަ އެވެ. މި ނެޓްވޯކް ހިންގި ފަރާތްތަކުން ވަނީ މުއްދަތު ހަމަވެފައިވާ ބޭހާއި އަދި ފެންވަރު ދަށް ބޭސްތައް ހޯދައި، އެ ތަކެތީގައި ނަކަލު ލޭބަލް ޖަހައިގެން އަލުން ބަންދުކޮށްގެން އަސްލު ބޭހުގެ ގޮތުގައި ވިއްކާފަ އެވެ.
މި ނެޓްވޯކުން މި ނަކަލު ބޭސްތައް ހޮސްޕިޓަލްތަކަށާއި ކްލިނިކްތަކަށް ވިއްކާފައިވަނީ ވަރަށް ބޮޑެތި ޑިސްކައުންޓްތަކާއެކު އަގުހެޔޮކޮށެވެ. ނަމަވެސް އިންޑިއާގެ ސިއްހީ ކަންކަމާ ބެހޭ ކަމާބޭހޭ އިދާރާތަކުން ހިންގި ހާއްސަ އޮޕަރޭޝަނެއްގައި މިހާރު ވަނީ މި ބޮޑު ނެޓްވޯކް އަތުލައިގަނެ، މި އަމަލުތައް ހުއްޓުވާފަ އެވެ.
