މޯލްޑިވްސް އެގްޒިބިޝަން އެންޑް ކޮންފަރެންސް ސާވިސް އިން ބާއްވާ މި ހަރަކާތް ބޭއްވުމަށް ހަމަޖެހިފައިވަނީ 28 ސެޕްޓެމްބަރު އިން ފެށިގެން 30 ގެ ނިޔަލަށް ހުޅުމާލެ ސިންތެޓިކް ޓްރެކްގަ އެވެ. އޭގެއިތުރުން އިންޓަނޭޝަނަލް ކަލިނަރީ ޗެލެންޖް ބޭއްވުމަށް ހަމަޖެހިފައިވަނީ 27 ސެޕްޓެމްބަރު އިން 30 އަށް މާލޭ އެމްއެންޔޫގަ އެވެ.
މި އެގްޒިބިޝަންގައި އެސްޓީއޯގެ ސްޓޯލް މިފަހަރު ހާއްސަކޮށްފައި ވަނީ އެސްޓީއޯގެ ޖެނެރަލް ޓްރޭޑިން އެސްޓީއޯ ޕީޕަލްސް ޗޮއިސް އަދި އެސްޓީއޯ އެނާޖީ އަށެވެ.
މި އެގްޒިބިޝަންގެ ދެވަނަ ދުވަހު އެސްޓީއޯއިން އާ ބްރޭންޑެއް ތައާރަފު ކުރުމަށް ވަނީ ހަމަޖެހިފަ އެވެ. އަދި މި ޕްރޮޑަކްޓް ބޭނުންކޮށްގެން ތައްޔާރުކުރާ އައިސްކްރީމާއި ފޮނިކާތަކެތި ރަހަ ބެލުމުގެ ފުރުސަތުވެސް އެސްޓީއޯ ސްޓޯލްއިން ލިބިގެންދާނެކަން އެ ކުންފުނިން ފާހަގަކުރެ އެވެ.
އެސްޓީއޯއިން އިތުރަށް ބުނީ އެނާޖީ ދާއިރާއިން މި އެގްޒިބިޝަނުގައި އެސްޓީއޯއިން އިސްކަންދެނީ ރިޒޯޓު ކަސްޓަމަރުންނަށް ކަމަށާ ތެޔޮ އުފުލައިދިނުމުގައި ފޯރުކޮށްދޭ ހިދުމަތްތަކުގެ ތަފްސީލު ދީ ރިޒޯޓު މާކެޓުގެ ކަސްޓަމަރުންގެ ޑިމާންޑުތައް ހުރި ނެތް ގޮތް ދެނެގަތުމަކީ މި ބައިގެ މަގުސަދު ކަމަށެވެ.
މި ހަރަކާތް ކުރިއަށްދާނީ އެސްޓީއޯ ސްޓޯލްގައި ރަޖިސްޓްރީކުރާ ފަރާތްތަކުގައި މެދުގަ އެވެ. އެ ގޮތުން ކޮންމެ ދުވަހަކުވެސް މި ފަރާތްތަކުގެ ތެރެއިން ނަސީބުވެރި އެއްފަރާތް ގުރުއަތުން ހޮވާ އިނާމުދޭނެ ކަމަށް އެސްޓީއޯ އިން ބުނެފައިވެ އެވެ. އަދި ފޮލޯއެންޑް ވިން ހަރަކާތުގައި އެސްޓީއޯ ޕީޕަލްސް ޗޮއިސް ޕޭޖް ފޮލޯކޮށް ނަސީބުވެރި ފަރާތަކަށް ޑިޝްވޮޝާ އެއްލިބުމުގެ ފުރުސަތު ފަހިވެގެންދާނެ އެވެ.
