ޑާކްރެއިން އެންޓަޓެއިންމެންޓުން ހާމަކޮށްފައިވާ ގޮތުގައި، މި ދެ ފިލްމުގެ ލަކީޑްރޯގެ ނަސީބުވެރިން ހޮވުމަށް ހަމަޖެހިފައިވަނީ ލައިވް އިވެންޓެއްގެ ތެރެއިންނެވެ.
މި ގުރުއަތުލުން އޮންނާނީ އަންނަ ބުރާސްފަތި ދުވަސް ކަމުގައިވާ އޮކްޓޯބަރު 1 ވަނަ ދުވަހުގެ ހަވީރު 5:00 ގަ އެވެ.
މި އިވެންޓް ކުރިއަށްދާނީ ޑާކްރެއިން އެންޓަޓެއިންމަންޓުގެ ރަސްމީ ފޭސްބުކް ޕޭޖް މެދުވެރިކޮށް ލައިވްކޮށެވެ.
އެހެންކަމުން މި ލަކީޑްރޯގައި ބައިވެރިވި ހުރިހާ ފަރާތްތަކަށް ލައިވް ބަލައިލުމުގެ ފުރުސަތު ވަނީ ހުޅުވާލެވިފައެވެ.
މި ހަރަކާތަކީ ފިލްމު ބެލުންތެރިންނަށް އަގުހުރި އިނާމުތަކެއް ދިނުމުގެ މަގުސަދުގައި ޑާކްރެއިން އެންޓަޓެއިންމަންޓާއި އޭވަން ގުޅިގެން ކުރިއަށްގެންދާ ހާއްސަ ޕްރޮމޯޝަނެކެވެ.
މި ގުރުއަތުލުމުގައި ބައިވެރިވި އެންމެހައި ފަރާތްތަކަށް އެ ފަރާތުން ވަނީ ކާމިޔާބީއަށް އެދިފަ އެވެ.
