ކަސްޓަމްސްއިން ކުރި ޕޯސްޓެއްގައި ވަނީ، މިދިޔަ އާދިއްތަ ދުވަހު އެ ތަކެތި އަތުލައިގަތީ މާލެ ވިޔަފާރި ބަނދަރުގައި ހިންގި ޚާއްސަ އޮޕަރޭޝަނެއްގައި ކަމަށެވެ.
އެގޮތުން، "ޖެނެރަލް ކާގޯ"ގެ ގޮތުގައި ޑިކްލެއާކޮށްފައިވާ ޝިޕުމަންޓެއް ބަލައިފާސްކުރި އިރު، 8.5 މިލިއަނަށް ވުރެ ގިނަ ސިނގިރޭޓު ސްޓިކްސް ފެނިފައިވާ ކަމަށް ކަސްޓަމްސްއިން މައުލޫމާތުދެ އެވެ.
އެ ތަކެތި މިހާރު ވަނީ ކަސްޓަމްސްގެ ބެލުމުގެ ދަށަށް ގެންގޮސްފަ އެވެ.
އިމްޕޯޓް/އެކްސްޕޯޓުގެ ގާނޫނަށް 2024 ވަނަ އަހަރު ގެނައި އިސްލާހާ އެކު، ދުންފަތުގެ އިމްޕޯޓު ޑިއުޓީ ބޮޑުވުމުން ވަގަށް އެ ތަކެތި އެތެރެކުރުމުގެ މައްސަލަ ވަރަށް ބޮޑުވި އެވެ.
