މޯލްޑިވިއަންގެ އައު ސީޕްލޭން ޓާމިނަލް ހުޅުވައި ދެއްވީ ޓޫރިޒަމް އެންޑް ސިވިލް އޭވިއޭޝަން މިނިސްޓަރު މުހައްމަދު އަމީން އެވެ.
އަލަށް ހުޅުވި ޓާމިނަލްގެ ޖާގަ ވަނީ ދެ ގުނައަށް ބޮޑުކޮށްފަ އެވެ. އެގޮތުން މިހާރު އެތަނުގެ އެތެރޭގައި 90 މީހުންނަށް އަދި ބޭރުގައި 40 މީހުންނަށް ހިދުމަތް ދެވޭނެކަމަށް މޯލްޑިވިއަނުން ބުނެ އެވެ.
މޯލްޑިވިއަންގެ އާ ސީޕްލޭން ޓާމިނަލް
މި ޓާމިނަލްގެ "ހުވަނދުމާ" ލައުންޖްގެ އިތުރުން 2 ޕްރައިވެޓް ލައުންޖާއި، ކުޑަކުދިން ކުޅޭ ސަރަޙައްދަކާއި، މޯލްޑިވިއަންގެ އަމިއްލަ ބްރޭންޑްގެ ސުވެނިއަރ އަދި ކާބޯތަކެތި ލިބޭނެ ކިއޮސްކެއް ވަނީ ހަދާފަ އެވެ. މީގެއިތުރުން ބޯޓިން ގޭޓުގެ އަދަދުވެސް ވަނީ އިތުރު ކޮށްފަ އެވެ. އަދި އާ ޓާމިނަލްގައި މޯލްޑިވިއަންގެ މުވައްޒަފުންނަށް ހާއްސަކޮށްފައިވާ ކެންޓީނެއް ވަނީ ގާއިމްކޮށްފަ އެވެ.
މޯލްޑިވިއަންގެ އާ ސީޕްލޭން ޓާމިނަލް
މި ޓާމިނަލް ޑިޒައިންކޮށްފައިވަނީ ފަތުރުވެރިންނަށް ރާއްޖޭގެ ގުދުރަތީ ރީތިކަމާއި ސަގާފަތް ދައްކުވައިދޭ ތީމަށެވެ.
މޯލްޑިވިއަންގެ އާ ސީޕްލޭން ޓާމިނަލް
މޯލްޑިވިއަން އިން ސީޕްލޭންގެ ހިދުމަތް ފެށީ 2014 ވަނަ އަހަރުގެ އޭޕްރިލް މަހު އެވެ. އަދި އެ ކުންފުނީގެ ސީޕްލޭން ޓާމިނަލް 2015 ވަނަ އަހަރު ހުޅުވާ ހިދުމަތް ދެމުން އަންނައިރު މޯލްޑިވިއަންގެ ފްލީޓުގައި މިވަގުތުވެސް 11 ސީޕްލޭން ބޭނުންކުރަމުން ދެއެވެ. އަދި އިތުރި ދެ ބޯޓް އަންނަ އަހަރު ރާއްޖެ ގެނެސް ހިދުމަތަށް ނެރޭނެކަަމަށް މޯލްޑިވިއަނުން ވަނީ ބުނެ ފައެވެ. ރާއްޖޭގެ މީހުން ދިރިުއޅޭ 4 ރަށަކަށް މޯލްޑިވިއަނުން ސީޕްލޭން ދަތުރުތައް މިހާރުވެސް އަންނަނީ ކުރަމުންނެވެ.
