ސިއްހަތު ރަނގަޅު ބޮޑެތި މީހުން ބައިވެރިކޮށްގެން ހެދި މި ދިރާސާއިން އެނގުނު ގޮތުގައި ބަނޑުގައިވާ ބެކްޓީރިއާތަކުގެ ބާވަތްތަކާއި އޭގެ ސިއްހަތަކީ ސިކުނޑީގެ އުމުރަށް ސީދާ އަސަރުކުރާ ކަންކަމެވެ.
މި ދިރާސާގެ ހޯދުންތަކުން ދައްކާ ގޮތުގައި، ވިސްނުމާއި ހަނދާން ދެރަވުމުގެ އަލާމާތްތައް ފެންނަން ފެށުމުގެ އެތައް ދަހަރެއް (ދިހަވަރަކަށް އަހަރު) ކުރިން، ސިކުނޑި ދުވަސްވުމުގެ ކުރީގެ ނިޝާންތައް ދެނެގަތުމުގެ ފުރުސަތު މިހާރު ވަނީ ހުޅުވިފައެވެ. އަދި ބަނޑުގެ ސިއްހަތު ރަނގަޅުކުރުމަށް އަޅާ ފިޔަވަޅުތަކުގެ ސަބަބުން، ސިކުނޑީގެ ބާރު ދެރަވުން ކުޑަކޮށް، ސިކުނޑި ދުވަސްވުމުގެ މަރުހަލާ ލަސްކުރެވިދާނެކަންވެސް ދިރާސާވެރިން ފާހަގަކުރެއެވެ.
ޔޫސީއެލްއޭ ހެލްތުގެ ދިރާސާވެރިން ބުނާ ގޮތުގައި، ބަނޑުގެ މައިކްރޯބައޯމް ފެންވަރާއި ސިކުނޑީގެ ދުޅަހެޔޮކަމާ ދެމެދު އޮތް މި ބަދަހަ ގުޅުމުގެ ސަބަބުން، ސިކުނޑީގެ ސިއްހަތު ރައްކާތެރިކުރުމަށް އާ މަގުތަކެއް ތަނަވަސްވެގެންދާނެއެވެ. އަދި ބަނޑުގެ ސިއްހަތަށް އިސްކަންދީގެން ސިކުނޑީގެ ބަލިތަކުން ރައްކާތެރިވުމަށް ކުރެވޭ މަސައްކަތްތަކަށް މި ހޯދުމުގެ ސަބަބުން ބޮޑު ކުރިއެރުމެއް ލިބިގެންދާނެ އެވެ.
