ފުލުހުން އާންމުކުރި ވީޑިއޯގައިވާ ގޮތުން ހޯދަނީ ހުދު ކުލައިގެ އަތްކުރު ގަމީހެއް ލައިގެން ހުރި މީހެކެވެ.
މަޑު ނޫކުލައިގެ ޖިންސެއް ލައިގެން ހުރި އެ މީހާ މަގުމަތިން ހިނގައިފައި އައިސް މާލޭގެ ގެއެއްގެ ކުރިމަތީގައި ހަރަކާތްތެރިވާ މަންޒަރު ފުލުހުން އާންމުކުރި އެ ވީޑިއޯއިން ފެނެ އެވެ.
ފުލުހުން ބުނި ގޮތުގައި އެ މީހާއަކީ ފެމިލީ އެންޑް ޗައިލްޑް ޕްރޮޓެކްޝަންގެ ފެމިލީ އެންޑް ޖެންޑާ އެފެއާޒްއިން ތަހުގީގު ކުރަމުންދާ ޖިންސީ ފުރައްސާރަކޮށްފައިގެ މައްސަލައެއްގައި ތުހުމަތުކުރެވޭތީ ހޯދަމުންދާ މީހެކެވެ.
ފުލުހުން އިތުރަށް ބުނީ އެ މީހާއަކީ ކާކުކަން ދެނެގަނެވިފައިނުވާ ކަމަށެވެ. އެހެންވެ، އެމީހާއާ ބެހޭ އެއްވެސް މައުލޫމާތެއް ލިބިފައިވާނަމަ، ފުލުހުންގެ ނަމްބަރު 9790163 އަށް ގުޅައި ހިއްސާކުރަން ފުލުހުން އެދިފައިވެ އެވެ.
