އުމުރުފުޅުން 101 އަހަރުގެ ޑރ. މަހާތީރު، މެލޭޝިއާގެ ނޭޝަނަލް ހާޓް އިންސްޓިޓިއުޓް (އައިޖޭއެން) ގައި އެޑްމިޓްކޮށްފައިވަނީ ރޭގެ ވަގުތެއްގަ އެވެ. މަހާތީރު އެޑްމިޓްކޮށްފައި މިވަނީ އެމަނިކުފާނާއެކު 70 އަހަރު ވަންދެން އުޅުއްވި އަނބިކަނބަލުން ސިއްތި ހަސްމާ މުހައްމަދު އަލީ ހަމަ އެ ހޮސްޕިޓަލުގައި އަވަހާރަވިތާ އެއް ދުވަސް ފަހުންނެވެ.
މަހާތީރު ހޮސްޕިޓަލުގައި އެޑްމިޓްކުރަން ޖެހުނު ސީދާ ސަބަބު އަދި ސާފުވެފައެއް ނުވެ އެވެ.
ޑރ. މަހާތީރަކީ 1981 ވަނަ އަހަރުން ފެށިގެން 2003 ވަނަ އަހަރަށް އަދި ފަހުން 2018 ވަނަ އަހަރުން ފެށިގެން 2020 ވަނަ އަހަރާ ހަމަޔަށް މެލޭޝިއާގެ ބޮޑުވަޒީރުކަން ކުރެއްވި، ދެކުނު އިރުމަތީ އޭޝިއާގެ އެންމެ ތަޖުރިބާކާރު އަދި ނުފޫޒުގަދަ އެއް ލީޑަރެވެ.
އެމަނިކުފާނުގެ ވެރިކަމުގައި މެލޭޝިއާގެ އިގުތިސާދު ވަރުގަދަކޮށް، ސިނާއީ ގޮތުން އެގައުމަށް ބޮޑެތި ކުރިއެރުންތަކެއް ހޯއްދަވައިދެއްވާފައި ވެއެވެ.
