މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން މިނިސްޓަރު ގީލާ އަލީ ވިދާޅުވީ ދުންފަތު އިސްތިއުމާލްކުރާ މީހުން މަދުކުރަން މި ސަރުކާރުން އެޅި ފިޔަވަޅުތަކުގެ ނަތީޖާ ފެންނަމުން އަންނަކަމަށެވެ. އެގޮތުން ސަރުކާރުގެ ފިޔަވަޅުތަކުގެ ސަބަބުން މިހާތަނަށް 709 މީހުން ކާމިޔާބު ކަމާއި އެކު ދުންފަތުގެ އިސްތިއުމާލު ކުރުން ހުއްޓާލާފައިވާކަމަށެވެ.
ދުންފަތު އިސްތިއުމާލްކުރާ މީހުން މަދުކުރަން މި ސަރުކާރުން ވެރިކަމަށް އައިސް ޑިސެމްބަރު 2024 ގައި ވަނީ ސިނގިރޭޓުން ނަގާ ޑިއުޓީ ބޮޑުކޮށްފަ އެވެ. އެގޮތުން ކުރިން 3.50ރ. ނަގަމުން ދިޔަ ސިނގިރޭޓު ޑިއުޓީ 8ރ. އަށް ބޮޑުކުރި އެވެ،. އެކަން އޭރު ކުރި ސަބަބެއްކަމަށް ސަރުކާރުން ބުނީ ރާއްޖެއަށް ވޭޕް އެތެރެކޮށް ވިއްކުމާއި ބޭނުން ކުރުން މަނާކުރުމުން ސިނގިރޭޓަށް ބަދަލުވާނެ މީހުން ގިނަވާނެތީކަމަށެވެ.
އެހެންނަމަވެސް އެ ނިންމުން ނިންމިތާ ދޮޅު އަހަރެއްހާ ދުވަސް ފަހުން ސަރުކާރުން ވަނީ ކުރީގެ ނިންމުން ބަދަލުކޮށް އަނެއްކާވެސް ސިނގިރޭޓުން ނަގާ ޑިއުޓީ ކުޑަކޮށްފަ އެވެ. އަދި ސަރުކާރުން ބުނީ އެގޮތަށޤ ނިންމީ ސަރުކާރުގެ ނިންމުމާއި މެދު ވިސްނަން ދުނިޔޭގެ ސިއްހަތު ޖަމިއްޔާ ޑަބްލިއޔު އެޗްއޯއިން އެދިގެންކަމަށެވެ.
ފަހުން ގާނޫނަށް ބަދަލު ގެނެސް ރައީސް ޑރ. މުހައްމަދު މުއިއްޒު 02 ޖުލައި 2026 ގއި ތަސްދީގުކުރެއްވި ބިލުގައިވަނީ ސިނގިރޭޓްގެ އިތުރުން ބިޑިއަކުން ނަގާ ޑިއުޓީ 4ރ. އަދި އޭގެ އެޑްވޮލެރަމް ޑިއުޓީގެ ގޮތުގައި %30 ނެގުންމަށް ނިންމާފަ އެވެ. މީގެއިތުރުން ދުންފަތުން ދުރުވުމަށް ހާއްސަކޮށް ތައްޔާރުކޮށްފައި ހުންނަ ނިކޮޓިން ޗުއިންގަމާއި ނިކޮޓިން ޕެޗު ފަދަ ބާވަތްތަކުން ޑިއުޓީ ނުނެގުމަށްވެސް ވަނީ ނިންމާފަ އެވެ.
