މި ކަމާ ގުޅިގެން ހަމުގެ ބަލިތަކަށް ހާއްސަ ޑޮކްޓަރުން (ޑާމަޓޮލޮޖިސްޓުން) އިންޒާރު ކުރައްވާ ގޮތުގައި، ނުދޮވެ ގިނަދުވަސްވެފައިވާ ހެލްމެޓުގެ އެތެރޭގައި ފަންގަސް އަށަގަނެ އެވެ. އަދި އޭގެ ސަބަބުން ބޮލުގެ ހަމުގައިވާ އިސްތަށި އުފެދޭ ލޯވަޅުތައް ނުވަތަ ހެއާ ފޮލިކަލްސް ބެދުމަށް މެދުވެރިވެ އެވެ.
ޑޮކްޓަރުން އިތުރަށް ފާހަގަކުރައްވާ ގޮތުގައި، އިސްތަށި އުފެދޭ ލޯވަޅުތައް ބެދުމުގެ ސަބަބުން ބޮލުގެ ހަމުގައި އިންފެކްޝަން އުފެދި، އިސްތަށި ފައިބާ މިންވަރު އަވަސްވެގެންދެއެވެ. އެހެންކަމުން ސައިކަލު ދުއްވާ ފަރާތްތަކުން ހެލްމެޓުގެ އެތެރެ ސާފުކޮށް ބެހެއްޓުމަކީ ބޮލުގެ ހަމުގެ ދުޅަހެޔޮކަމަށް ނުހަނު މުހިންމު ކަމެކެވެ.
