މި އޮފިޝަލުން ސަސްޕެންޑްކުރީ އިންޑޮނޭޝިއާގެ ކަމާބެހޭ ފަރާތްތަކުން ކުއްލި ގޮތަކަށް ސިބިނޯންގް ޖަލު ބަލައި ފާސްކުރުމަށް ހިންގި ހާއްސަ އިންސްޕެކްޝަނަކަށް ފަހުގަ އެވެ.
ކުއްލިއަކަށް ހިންގި މި އިންސްޕެކްޝަނުން އެނގުނު ގޮތުގައި، ސިބިނޯންގް ޖަލުގައި ހުރި ބައެއް ގޮޅިތައް ވަނީ ލަގްޒަރީ އެޕާޓްމަންޓްތަކެއްގެ ގޮތަށް ބަދަލުކޮށްފަ އެވެ. އަދި އެ ގޮޅިތަކުގައި ވީއައިޕީ ހިދުމަތްތަކެއް ދެމުންދިޔަކަން ވަނީ ފާހަގަކުރެވިފަ އެވެ. މުއްސަނދި ގައިދީންނަށް އެކަނި ބޭނުންކުރެވޭ ގޮތަށް ހާއްސަކޮށްގެން ތައްޔާރުކޮށްފައިވާ މި ވީއައިޕީ ގޮޅިތަކުގެ ތެރޭގައި އެއާކޮންޑިޝަނާއި، ދެ މީހުންނަށް ނިދޭ ބޮޑެތި އެނދާއި، ބޮޑެތި ސްކްރީން ހުރި ޓީވީގެ އިތުރުން ސޯފާއާއި އަމިއްލަ ކެއިންބުއިމަށް ހާއްސަ ސަރަހައްދުތައް ގާއިމުކޮށްފައި ހުއްޓާ ވަނީ ފެނިފަ އެވެ.
މި މައްސަލަ ފަޟީހަތްވުމާ ގުޅިގެން އިންޑޮނޭޝިއާގެ އޮތޯރިޓީތަކުން ވަނީ އެކަމުގައި ބައިވެރިވި އިސް ފަސް އޮފިޝަލުން ވަގުތުން ސަސްޕެންޑްކޮށްފަ އެވެ. ސިބިނޯންގް ޖަލުގެ ތެރޭގައި މިފަދަ ލަގްޒަރީ ވަސީލަތްތައް ގާއިމުކޮށްފައި ވަނީ ހަމައެކަނި ފައިސާވެރި، މުއްސަނދި ގައިދީންނަށް ހާއްސަކޮށްގެންކަން އިންސްޕެކްޝަން އޮޕަރޭޝަނުން ވަނީ ކަށަވަރުވެފަ އެވެ.
