މި މައްސަލައިގައި ކުށް ސާބިތުވެފައިވަނީ ހުޅުމާލެ، ފްލެޓް ނަންބަރު 04-1-123، ޢާޡިމް މުޙައްމަދުގެ މައްޗަށެވެ. އޭނާގެ މައްޗަށް ދައުލަތުން އުފުލީ "އެނގިހުރެ ހުއްދަނޫން ތަނަކަށް ވަނުމުގެ" ކުށުގެ ދައުވާއެވެ.
ހުޅުމާލޭ އޮނުގަސްމަގުގައި ހުންނަ ޖަލަށް ހުއްދަނެތި ވަދެފައިވާ މި މައްސަލައިގައި، ކޯޓުގެ އިބްތިދާއީ އަޑުއެހުމުގައި އޭނާ ވަނީ އަމިއްލަ އިޚްތިޔާރުގައި ދައުވާއަށް ފުރިހަމައަށް އިއުތިރާފުވެފައެވެ. މިއީ ޖިނާޔަތުގެ 5 ވަނަ ދަރަޖައިގެ ކުށަކަށްވާތީ އަސާސީ އަދަބަކީ 9 މަހާއި 18 ދުވަހުގެ ޖަލު އަދަބެކެވެ. ނަމަވެސް އިއުތިރާފުވުމާއި އެއްބާރުލުން ދިނުމުން އަދަބު ދެ ދަރަޖަ ދަށްކޮށް، އަދި ބަންދުގައި ހޭދަކުރި 11 ދުވަސް އުނިކުރުމުން އިއްވީ 4 މަހާއި 13 ދުވަހުގެ ޖަލު އަދަބެކެވެ.
މީގެ ކުރިން ކުށުގެ ރެކޯޑެއް ނެތުމުންނާއި ކޯޓަށް އެއްބާރުލުން ދީފައިވާތީ، ޖަލު އަދަބު ވަނީ 26,600 ރުފިޔާގެ ޖޫރިމަނާއަކަށް ބަދަލުކޮށްފައެވެ. މި ފައިސާ 6 މަސްދުވަހުގެ ތެރޭގައި މީރާއަށް ދައްކަންޖެހެއެވެ.
